பெல்ஜிய வர்த்தகத் தலைவர்களுடன் கலந்துரையாடிய அதிபர்

பெல்ஜியத்துக்கு பயணம் மேற்கொண்டுள்ள அதிபர் தர்மன் சண்முகரத்னம், அந்நாட்டின் வர்த்தகத் தலைவர்களுடன் கலந்துரையாடியிருக்கிறார்.

- 

மருந்தகத் துறையிலிருந்து கடற்சார்ந்த பொறியியல், நீடித்த நிலைத்தன்மை, நிதி வரையிலான பல தரப்பட்ட வர்த்தகத் தலைவர்களுடன் அவர் பேசினார்.

மார்ச் 26ஆம் தேதி பிரஸ்ஸல்ஸ் நகரில் காலை நேர உணவு கலந்துரையாடலின்போது இந்தச் சந்திப்பு நடைபெற்றது.

பெல்ஜிய வர்த்தகத் தலைர்களின் அக்கறைக்குரிய விவகாரங்களை திரு தர்மன் கேட்டறிந்தார். அதோடு சிங்கப்பூரில் அவர்கள் முதலீடு செய்வதற்கான வாய்ப்பு, வழிகளும் ஆராயப்பட்டன.