കണികാണലും ശുഭാശുഭത്വങ്ങളും

നന്മയും വിശുദ്ധിയും ഈശ്വരഭാവവും എന്നും നിലനിർത്തുക എന്നത് നമ്മുടെ കടമ ആയിരിക്കണം.

- ടി എസ്

രാവിലെ ഉറക്കമുണരുമ്പോൾ ആദ്യം കാണുന്ന കാഴ്ചയ്ക്കാണ് കണി എന്നുപറയുന്നത്. ആ കാഴ്ച ശുഭമായിരുന്നാൽ ആ ദിവസം ശുഭമായി. സാധാരണ ദിനങ്ങളിൽ കണികണ്ടാൽ ആ ദിവസവും, മാസംരംഭത്തിൽ അതായത്, സൂര്യസംക്രമദിനത്തിൽ കണികണ്ടാൽ ആ മാസവും, വിഷുവിന് കണികണ്ടാൽ ആ വർഷവും കണിയുടെ ഫലങ്ങൾ അനുഭവവേദ്യമാകുന്നു.

രാവിലെ ഉണർന്ന് കിടക്കയിൽ ഇരുന്ന് തന്റെ കൈപ്പടങ്ങളിൽ ദേവദർശനം നടത്തേണ്ട വിധവും, മന്ത്രവും.

കരാഗ്രേ വസതേ ലക്ഷ്മീ
കരമദ്ധ്യേ സരസ്വതി
കരമൂലേ തു ഗോവിന്ദാ
പ്രഭാതേ കരദർശനം

പവിത്രമായ ദേവതാസാന്നിദ്ധ്യം കരങ്ങളിലുണ്ട് എന്ന് നാം സങ്കൽപ്പിക്കുമ്പോൾ അപവിത്രമായ ഒന്നും ആ കരങ്ങൾ കൊണ്ട് ചെയ്യരുത് എന്ന തിരിച്ചറിവും നമുക്കുണ്ടാവേണ്ടതാണ്.