അമ്പലപ്പുഴ പാൽപ്പായസം ഗോപാലകഷായം

നിവേദ്യ മാഹാത്മ്യം

- പള്ളിക്കൽ സുനിൽ

തിരുവിതാംകൂറിന്റെ സ്വന്തം രുചിക്കൂട്ടുകളിൽ ഏറ്റവും മുൻപന്തിയിൽ നിൽക്കു ന്നത് അമ്പലപ്പുഴ പാൽപായസം തന്നെയാണ്. കേൾക്കുമ്പോൾ തന്നെ നമ്മുടെ നാവിൽ വെള്ളം ഊറിവരും. അത്രയ്ക്ക് മേന്മയും പ്രൗഢിയും പ്രഭാവവും ആണ് അമ്പലപ്പുഴ പാൽപായസത്തിനുള്ളത്. ആലപ്പുഴ ജില്ലയിൽ അമ്പലപ്പുഴ ദേശത്ത് സ്ഥിതി ചെയ്യുന്ന ചരിത്രവും ഐതിഹ്യവും ആചാരങ്ങ ളും അനുഷ്ഠിക്കുവാനുള്ള അനവധി നിത്യകർമ്മങ്ങളും ഇഴചേർന്ന് ലയിച്ച് അത്യപൂർവ്വം ക്ഷേത്രങ്ങളിൽ ഒന്നാണ് അമ്പലപ്പുഴ ശ്രീകൃഷ്ണസ്വാമി ക്ഷേത്രം. അർജ്ജുനന്റെ തേരാളിയായി പാർത്ഥന്റെ സാരഥിയായി വലതുകൈയ്യിൽ ചമ്മട്ടിയും ഇടതുകൈയ്യിൽ പാഞ്ചജന്യവുമായി നിൽക്കുന്ന പ്രതിഷ്ഠയാണ് അമ്പലപ്പുഴയിൽ ഉള്ളത്. പാൽപ്പായസം ആണ് ഇവിടെ പ്രധാന നിവേദ്യം ഇതിന്റെ തുടക്കത്തെക്കുറിച്ച് വളരെ പ്രധാനപ്പെട്ട രോമാഞ്ചജനകമായ ഒരു ഐതിഹ്യം ഉണ്ട്. ഇന്നത്തെ അമ്പലപ്പുഴ പണ്ട് ചെമ്പകശ്ശേരി എന്ന നാട്ടു രാജ്യമായിരുന്നു. ചെമ്പകശ്ശേരി രാജാവിന്റെ ഭരദേവതയായിരുന്നു അമ്പലപ്പുഴ ശ്രീകൃഷ്ണഭഗവാൻ. ചതുരംഗക്കളി ഭ്രാന്തു പിടിച്ചതുപോലെയായിരുന്നു രാജാവിന്. ഒരിക്കൽ മത്സരത്തിനായി ഒരു വെല്ലുവിളി രാജാവ് നടത്തി ഒരാളും അത് ഏറ്റെടുത്തില്ല. അങ്ങനെ സമയം നീണ്ടുപോയി എല്ലാവരും നിർന്നിമേഷരായി നിൽക്കുമ്പോൾ ഒരു സാധാരണ പാവപ്പെട്ട മനുഷ്യൻ മുന്നോട്ടുവന്ന് നമശിരസ്കനായി പുഞ്ചിരി പൊഴിച്ചുകൊണ്ട് ആ വെല്ലുവിളി ഏറ്റെടുത്തു.