மனித குலமும் சுவாமிஜியின் நேசமும்

சுவாமி விவேகானந்தருக்கு கர்கானந்தா என்ற துறவி, "உங்கள் பார்வையானது எப்போதும் அளவற்ற கருணையையே பொழிகிறது, உங்கள் மனஉறுதி மனித குலத்தின் மகிமையை உணர்த்துகிறது.

- பேரா.கே.எல்.பல்லா

உங்கள் உதடுகள் உபநிடதங்களின் எழுச்சியூட்டும் செய்தியையே கொண்டிருக்கின்றன. வலிமையின் ஆதாரமே, உமக்கே வெற்றி" என்று கூறி போற்றி வணங்கினார்.

தன்னை எல்லா மனிதர்களிடமும் அடையாளம் காணும் அவரது இயல்பானது ஒட்டுமொத்த மனித குலத்தைத் தழுவியதும், ஒன்றேயானது மான தெய்விக விழிப்புணர்விலிருந்து வந்தது.

சாதாரண மனிதர்கள் எல்லா இடங்களிலும் வேறுபாடுகளை மட்டுமே காண்கிறார்கள். அவர்கள் மனித இனத்தினை எண்ணற்ற மதங்கள், மொழி சார்ந்த சமூகங்கள், ஜாதிகள், அரசியல் கட்சிகள் என்றெல்லாம் பிரிக்கிறார்கள்.

ஆனால் சுவாமிஜியின் பார்வையோ இந்தத் தடைகளையெல்லாம் தகர்த்து எல்லா இடங்களிலும் எப்போதும் ஒன்றையே கண்டது.

அவர் வேற்றுமை உணர்வை உண்டாக்கும் தடைகளைத் தகர்த்து, தவறான புரிதல் மற்றும் சந்தேகத்தின் மேகங்களை அகற்றி, அன்பு போன்ற உணர்வுகளை வலுப்படுத்தி ஒற்றுமை உணர்வை உருவாக்க கடுமையாக முயற்சித்தார்.