பெருந்து கனவு!!

"இன்னிக்கும் பாளையத்து ஆத்துல குளிக்கப் போயிட்டாங்களா? தா பாரு அவனுங்க வந்தா, கதவோரத்துல எண்ணை எடுத்து வெக்கிற வேலையயெல்லாம் விட்டு, உப்புக்கல்லு எடுத்துவை... இன்னிக்கு பாரு அவனுங்கள" அப்படீன்னு அமருகிட்ட கோவமா சொன்னாரு வரதராசு.

- 

பேசிகிட்டே தற்செயலா திரும்பின வரதராசு, ரேடியோ இருந்த எடத்துல அது இல்லாததப் பார்த்தவொடனே! "எங்கபோச்சு ரேடியோ?" "அது திடீர்ன்னு ரிப்பேரு ஆயிடுச்சி,ரிப்பேருக்கு போட்டிருக்கேன்".

"அதெப்படி நேத்து வரைக்கும் " நல்லாத்தானே பாடிக்கிட்டு இருந்திச்சு....ம்" ஆர்மோனியப்பெட்டி, தபேலா இருந்த பக்கமா வரதராசு கண்ணு திரும்புச்சு. "ஆமா எங்க ஆர்மோனியம், தபேலால்லாம்?"

இனிமே மறைச்சு பிரயோ சனமில்லேன்னு நெனைச்சு சின்னத்தாயி, தைரியத்த வரவழைச்சிகிட்டு மெல்ல பேச ஆரம்பிச்சாங்க.

"தா பாரு வரதராசு! உந்தம்பிங்க இந்த ஊர்ல இல்ல. அவனுங்களுக்கு திடீர்னு மெட்ராசுல இருந்து நாடகத்துக்கு வாசிக்க அழைப்பு வந்திருந்துச்சு. அதுக்குப் போறதுக்கு செலவுக்கில்லேன்னுதான்ரேடியோவ அடகு வச்சேன்!"

"ஏன் எங்கிட்ட சொல்லிட்டுப் போயிருக்கக் கூடாதா?"

"அவனுங்க வந்து சொன்னா நீ கேக்கிற நிலமையிலயா இருக்கே?"