ക്രിസ്തുമസ് ട്രീയിലെ നക്ഷത്രപ്പൂക്കൾ

ഒരു ലക്ഷ്യമുണ്ട്, ആ ലക്ഷ്യത്തിൽ എത്തിയേ തീരൂ - ശിവാനി സായ

- ജി. കൃഷ്ണൻ

ഒരു സിനിമയിൽ നായികയാകുക എന്നുപറഞ്ഞാൽ ചെറിയ കാര്യമല്ല. അതൊരു വലിയ കാര്യം തന്നെയാണ്. ഭാഗ്യം തന്നെയാണ് അതിന് കാരണമെന്ന് വ്യക്തമാണ്. സിനിമാമോഹമുള്ളവർക്ക് സിനിമയിൽ ചെറിയ അവസരം കിട്ടുന്നത് സ്വാഭാവികമായിരിക്കും. എന്നാൽ, നായികാസ്ഥാനത്ത് എത്തുകയെന്നത് ഒരു വലിയ ഭാഗ്യം ഒരു തന്നെയാണ്.

2019 ൽ റിലീസായ 'ശക്തൻ തമ്പുരാൻ' എന്ന സിനിമയിലെ നായിക ശിവാനി സായയാണ്. ആ സിനിമയിൽ നായികയായി അഭിനയിച്ചതിന്റെ എക്സൈറ്റ്മെന്റ് ശിവാനിക്ക് ഇന്നും ഇപ്പോഴും തീർന്നിട്ടില്ല. ഫിലിം ഇൻഡസ്ട്രിയിലുള്ള കുറച്ച് സീനിയർ ആർട്ടിസ്റ്റുകളുമായി വർക്ക് ചെയ്യാൻ കഴിഞ്ഞു എന്നുള്ളതാണ് ഒരു പ്രധാനകാര്യം. അത് എന്നെ സംബന്ധിച്ചിടത്തോളം വലിയ സന്തോഷം തന്നുവെന്ന് ശിവാനി പറയുന്നു.

ശിവാനിയുടെ മനസ്സിൽ നൃത്തവും അഭിനയവും ഒരാവേശമായും അഭിനിവേശമായും കടന്നുവന്നിട്ടുണ്ട്. മോഡലിംഗ് രംഗത്ത് പ്രവർത്തിച്ചു തുടങ്ങിയതോടെയാണ് സിനിമയിലേക്കുള്ള അവസരം ശിവാനിക്ക് ലഭിച്ചത്.

ഇതിനിടയിൽ കരിമുഖം, ലിലിത് എന്നിങ്ങനെ ഏതാനും ഷോർട്ട് ഫിലിമുകളിൽ അഭിനയിച്ചു. നിധിൻ രഞ്ജി പണിക്കർ സംവിധാനം ചെയ്ത "മധുവിധു' എന്ന വെബ്സീരീസിലും ശിവാനി അഭിനയിച്ചു.

പുതുവർഷം വരുമ്പോൾ പുതിയ പ്രതീക്ഷകളാണ് ശിവാനിയുടെ മനസ്സിലുള്ളത്. കാരണം, ഇപ്പോൾ പോസ്റ്റ് പ്രൊഡക്ഷൻ നടന്നുവരുന്ന ഏതാനും സിനിമകളിൽ ശിവാനി അഭിനയിച്ചിട്ടുണ്ട്. സഞ്ജു സാമുവൽ ഡയറക്ട് ചെയ്ത "കപ്പ്', വിനു വിജയ് ഡയറക്ട് ചെയ്ത "ഇന്ദിര, ജെക്സൺ ആന്റണി സംവിധാനം ചെയ്തിരിക്കുന്ന അഞ്ചു സെന്റും സെലീനയും, അജു കീഴുമലയുടെ പൂരം പൂരാടം, പൂരുരുട്ടാതി...' തുടങ്ങിയ സിനിമകളിലെല്ലാം ശിവാനി അഭിനയിച്ചിട്ടുണ്ട്. 2024 ആകുന്നതോടെ ഈ സിനിമകൾ ഓരോന്നും റിലീസാകും. അത് തന്റെ കരിയറിന് കൂടുതൽ ഗുണം ചെയ്യും. മലയാളസിനിമയിൽ ഏറെ അറിയപ്പെടുന്ന ഒരു നടിയാകുകയും നായികയായി മുൻനിരയിലേക്ക് വരാനും കഴിയുമെന്നുള്ള ശുഭപ്രതീക്ഷയിലാണ് ശിവാനി സായ. ഇപ്പോൾ ചിത്രീകരണം നടക്കുന്ന ഗുമസ്തൻ എന്ന സിനിമയിലും ശിവാനി അഭിനയിക്കുന്നുണ്ട്.

കുച്ചിപ്പുടി ഡാൻസറായ ശിവാനി ഗീത രതീഷിന്റെ കീഴിൽ പ്രാക്ടീസ് ചെയ്യുന്നുണ്ട്. നൃത്തം തനിക്ക് ജീവ വായു ആണെങ്കിലും ഇടയ്ക്കൊരു ബ്രേക്ക് വന്നു. ഇനി അടുത്തുതന്നെ തുടരാൻ ഉദ്ദേശിക്കുന്നുണ്ടെന്ന് ശിവാനി പറയുകയുണ്ടായി.

ക്രിസ്തുമസ് വരുമ്പോഴേയ്ക്കും ശിവാനിക്ക് എന്താണ് പറയാനുള്ളത്?