വാർദ്ധക്യത്തിൽ ഇടുപ്പിലെ ഒടിവുകൾ

ഇടുപ്പെല്ലിൽ ഒടിവ് സംശയിക്കുന്ന രോഗിയെ എണീപ്പിച്ചു ഇരുത്തുകയോ നിർത്താൻ ശ്രമിക്കുകയോ ചെയ്യരുത്. അല്ലാ ത്തപക്ഷം ഒടിവിന് സമീപത്തുളള ഞരമ്പിനും രക്തക്കുഴലിനും പരിക്ക് പറ്റാൻ ഇടയുണ്ട്.

- ഡോ. ഉണ്ണിക്കുട്ടൻ. ഡി MBBS, DNB,MNAMS ഓർത്തോപീഡിക് സർജൻ തിരുവനന്തപുരം

വാർദ്ധക്യത്തിൽ വളരെ സാധാരണമായി കണ്ടുവരുന്ന പരിക്കാണ് ഇടുപ്പിനോട് ചേർന്നുള തുടയെല്ലിലെ ഒടിവ്. പ്രായമാകുമ്പോൾ വീഴുവാനുളള സാധ്യത വളരെ കൂടുകയും, വീഴുമ്പോൾ കൈ കുത്താനുളള ബാലൻസ് കുറയുകയും ചെയ്യുന്നു. അതിനാൽ നടുവ് അല്ലെങ്കിൽ ഇടുപ്പ് തറയിൽ ഇടിച്ചു വീഴുവാനുള്ള സാധ്യത വളരെ കൂടുതലാണ്. വാർദ്ധക്യത്തിൽ പ്രത്യേകിച്ച്, സ്ത്രീകളിൽ എല്ലു കൾക്ക് ബലക്ഷയം കാണപ്പെടുന്നതിനാൽ ചെറിയ വീഴ്ചകൾ പോലും ഇടുപ്പെല്ല് ഒടിയുന്നതിന് കാരണമാവും. ഈ വിധത്തിലുളള വീഴ്ചകളിൽ നട്ടെല്ലിലെ കശേരുക്കൾ ഒടിയുവാനും സാധ്യത കൂടുതലാണ്.

ലക്ഷണങ്ങൾ

വീഴ്ചയ്ക്ക് ശേഷം ഇടുപ്പിൽ ശക്തമായ വേദനയും കാലിൽ ഭാരം കൊടുക്കുവാൻ പറ്റാത്ത അവസ്ഥയും ഉണ്ടാകുന്നു. കിടക്കുന്ന അവസ്ഥയിൽ നിന്നും വശങ്ങളിലേക്ക് തിരിയുവാനും എണീറ്റ് ഇരിക്കുവാനും പറ്റാത്ത രീതിയിൽ ഇടുപ്പ് വേദന അനുഭവപ്പെടുന്നു. കാലിന്റെ നീളം അൽപ്പം കുറഞ്ഞതായും പാദം പുറത്തേക്ക് തിരിഞ്ഞതായും കാണാം. ഇടുപ്പിൽ നീരും നിറവ്യത്യാസവും കണ്ടേക്കാം.

പ്രാഥമിക പരിചരണം