ഒരു കിളി "ട്രാക് ” മൂളവേ...

പാട്ടു പാടാൻ കൂട്ടു കൂടാവുന്ന രണ്ട് ഐഡിയാസ് ഇതാ...

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

"ഇത്രയും നേരം വരെ ആ പാട്ടിന്റെ വരികൾ നാവിന്റെ തുമ്പത്തുണ്ടായിരുന്നു. പക്ഷേ, ആവശ്യം വന്നപ്പോൾ അതങ്ങു കിട്ടുന്നില്ല... വളരെ ഇഷ്ടപ്പെട്ട ഒരു പാട്ടിന്റെ കാര്യം കൂട്ടുകാരോട് സംസാരിക്കുമ്പോൾ ഇങ്ങനെ അനുഭവപ്പെട്ടിട്ടുണ്ടാകും മിക്കവർക്കും.

അതുപോലെ മറ്റൊരു കാര്യം കൂടിയുണ്ട്. ഏതെങ്കിലും ഒരു പാട്ട് കേൾക്കുമ്പോൾ അതുപോലെ തന്നെയുള്ള മറ്റൊരു പാട്ട് എനിക്ക് അറിയാമെന്നു നമ്മൾ വീമ്പിളക്കും. പക്ഷേ, ആവശ്യം വരുന്ന സമയത്ത് അതിന്റെ വരികൾ ഓർത്തെടുക്കാനേ പറ്റില്ല. ഇതിനു രണ്ടിനും പരിഹാരം ഇതാ...

ഒന്നു മൂളുവാനെന്തു രസം...

ഈ പ്രശ്നം പരിഹരിക്കാനുള്ള സഹായി നമ്മുടെ കയ്യിലുള്ള ആൻഡ്രോയ്ഡ് ഫോൺ തന്നെയാണ്. ഫോണിൽ ഗൂഗിൾ അസ്സിസ്റ്റന്റ് ഉണ്ടെന്ന് നമുക്കറിയാം. “ഹേ ഗൂഗിൾ' (Hey Google) എന്നു വിളിച്ചാൽ മതി ഗൂഗിൾ നമ്മുടെ സഹായത്തിന് ഓടിയെത്തും. അപ്പോൾ "ഫൈൻഡ് ദ് മ്യൂസിക്' (Find the Music) എന്നു പറയുക.