വായിക്കാം സ്വസ്ഥമായിരുന്ന്

അകത്തളത്തിൽ റീഡിങ് സ്പേസ് ഒരുക്കുമ്പോൾ മനസ്സിലുണ്ടാകണം ഇക്കാര്യങ്ങൾ

- ഡെൽന സത്യരത്ന 

അക്ഷരങ്ങളുടെ കൈപിടിച്ചു സ്വപ്നലോകത്തേക്കു പറക്കാം, വീട്ടിലൊരു റീഡിങ്  കോർണർ ഉണ്ടെങ്കിൽ.

വായിക്കാനിരിക്കുന്നിടത്തു ശ്രദ്ധ കവരുന്നതൊക്കെ ഒഴിവാക്കാം. ഏകാഗ്രതയോടെ വായനയിൽ മുഴുകാൻ ഇത് ആവശ്യമാണ്.

ചാഞ്ഞിരിക്കാനൊരു ചാരും ചിട്ടയായൊതുക്കി വച്ച പുസ്തകങ്ങളും ചേരുന്ന റീഡിങ് കോർണർ ഒന്ന് സങ്കൽപിച്ചു നോക്കൂ.

തനിച്ചായെന്നു തോന്നിയാൽ, ഉള്ളൊന്നു നൊന്താൽ,കവിതയുടെ നാമ്പുകൾ മനസ്സിൽ മൊട്ടിട്ടാൽ ഓടിയെത്തി ആ സ്വകാര്യം ആദ്യം പറയാൻ വേണ്ട അടുപ്പം റീഡിങ് കോർണറിനോടുണ്ടാകണം.അത്തരമൊരു സ്വകാര്യ സ്ഥലം വീട്ടിലെ ഫേവറിറ്റ് സ്പോട് ആയി മാറുമെന്നതു തീർച്ച. അടുക്കും ചിട്ടയും കുട്ടികൾക്കു കണ്ടുപഠിക്കാനും ഇതുപകരിക്കും. 

ബെഡ്റൂം റീഡിങ് കോർണർ

വീട്ടിലെ ഏറ്റവും സ്വകാര്യതയുള്ള സ്ഥലമാണു ബെഡ്റൂം അതുകൊണ്ടു തന്നെ വായിക്കാനുള്ള കോർണറൊരുക്കാനും ബെഡ്റൂം അനുയോജ്യമാണ്. ഉറങ്ങും മുൻപു വായിക്കുന്ന ശീലമുള്ളവരാണു പൊതുവേ റീഡിങ് കോർണർ ഉപയോഗിക്കുന്നത്. വായിക്കുന്ന പുസ്തകവും സിങ്കിൾ സീറ്റും നിഴൽ വീഴാത്ത തരത്തിലുള്ള ലൈറ്റിങ്ങും മതി ഇവിടേക്ക്. ജനാലയുള്ള ഭാഗത്തായി വായിക്കാൻ സൗകര്യമൊരുക്കിയാൽ പകൽസമയത്തെ വായനയ്ക്ക് വെളിച്ചവും കാറ്റുമായി.

ലിമിറ്റഡ് സ്പേസ് റീഡിങ് സ്പേസ്

 

അണ്ടർ സ്റ്റെയർ റീഡിങ് ഏരിയ, അണ്ടർ സീറ്റ് ബേ വിൻഡോ ലൈബ്രറി തുടങ്ങി സ്ഥലം ലാഭിക്കാൻ സഹായകമാകുന്ന റീഡിങ് സ്പേസുകളാണിവ. സ്റ്റെയർ കെയ്സിനു താഴെയുള്ള ഭാഗവും ജനാലയുടെ താഴെയായി ബുക് സ്റ്റോറേജും ഇരിക്കാൻ സൗകര്യവുമൊരുക്കുന്ന രീതിയാണിത്. തള്ളിനീക്കാൻ പറ്റുന്ന വിധത്തിൽ സ്റ്റോറേജ് ഷെൽഫുകളും ഇരിപ്പിടവും സജ്ജീകരിക്കാനുമാകും. ആവശ്യാനുസരണം ഏതു ഭാഗത്തേക്കും മാറ്റാം.

സ്റ്റഡി കം ലൈബ്രറി