മനസ്സിലൊരുക്കിയ മോഹം

നാടകം കണ്ടു വളർന്നു സിനിമയിലെത്തിയ കഥ പറയുന്നു കിഷ്കിന്ധാകാണ്ഡത്തിലെ താരം വൈഷ്ണവി രാജ്

- അമ്മു ജൊവാസ്

പ്രവീണയായി ഞാൻ

ഷെഫീക്കിന്റെ സന്തോഷ'ത്തിലെ ക്യാരക്ടർ ലുക് പോസ്റ്റർ കണ്ടിട്ടാണ് കിഷ്കിന്ധാകാണ്ഡത്തിന്റെ സംവിധായകൻ ദിൻജിത്തേട്ടൻ വിളിക്കുന്നത്. "സിനിമയിൽ രണ്ടു പ്രധാന സ്ത്രീ കഥാപാത്രങ്ങളേ ഉള്ളൂ. സെക്കൻഡ് ഹീറോയിനു വേണ്ടിയാണ് വൈഷ്ണവിയെ നോക്കുന്നത് എന്നു പറഞ്ഞു. ഓഡിഷനു മൂന്നു പേരുണ്ടായിരുന്നു. അതിൽ പ്രവീണ എന്ന കഥാപാത്രമായി തിരഞ്ഞെടുത്തത് എന്നെയാണ്.

സിനിമയുടെ പൂജയുടെ ദിവസമാണു തിരക്കഥ വായിക്കുന്നത്. ഒറ്റയിരിപ്പിൽ സ്ക്രിപ്റ്റ് മുഴുവൻ വായിച്ചു. അത് ഗംഭീര എഴുത്തായിരുന്നു. അതോടെ "കിഷ്കിന്ധാകാണ്ഡ'ത്തിലേക്ക് ഞാൻ കംപ്ലീറ്റ്ലി ഇൻ.

ഇത്ര ഇമോഷനലായി എങ്ങനെ?