വെയിൽ തന്നോളൂ സൂര്യാ...

വെയിലിനെ പ്രതിരോധിക്കാൻ ഏതെങ്കിലും സൺസ്ക്രീൻ മതിയോ? സൺസ്ക്രീനിനെ കുറിച്ച് അറിയേണ്ടതും ചെയ്യേണ്ടതും

- അമ്മു ജാവാസ്

സൗന്ദര്യസംരക്ഷണത്തിലെ സൂപ്പർ സ്റ്റാർ ആരെന്നു ചോദിച്ചാൽ അതു സൺ സ്ക്രീൻ തന്നെ. ഏതു സെലിബ്രിറ്റിയുടെയും സ്കിൻ കെയർ റുട്ടീൻ പരിശോധിച്ചോളൂ... അതിൽ മറ്റെന്തില്ലെങ്കിലും സൺസ്ക്രീൻ ഉണ്ടാകും.

എന്താണ് സൺസ്ക്രീൻ ?

സൺസ്ക്രീൻ എന്ന വാക്കിൽ തന്നെയുണ്ട് എന്താണ് അതിന്റെ ഉപയോഗമെന്നത്. സൂര്യരശ്മികളിൽ നിന്നു ചർമത്തെ മറയ്ക്കുക. ചർമം കരിവാളിക്കുന്നതും സൺ ബേൺ ഉണ്ടാകുന്നതും മാത്രമല്ല സൂര്യരശ്മികളേറ്റാലുള്ള പ്രശ്നം. ചർമത്തിന്റെ യുവത്വം നഷ്ടപ്പെട്ട് ചുളിവുകളും പാടുകളും വരാനും ദീർഘകാല പിഗ്മെന്റേഷൻ പ്രശ്നങ്ങളുണ്ടാകാനും സ്കിൻ കാൻസർ സാധ്യത കൂട്ടാനും ഇതു കാരണമാകും.

എപ്പോഴും ഓർക്കാൻ

സൺസ്ക്രീൻ തിരഞ്ഞെടുക്കുമ്പോൾ ശ്രദ്ധിക്കേണ്ടത് എന്തൊക്കെ എന്ന് അറിയാം.

എസ്പിഎഫ്: സൺ പ്രൊട്ടക്ഷൻ ഫാക്ടർ എന്നതാ ണ് എസ്പിഎഫ്. സൂര്യരശ്മികളിൽ നിന്നു സംരക്ഷണം തരുന്ന ഈ ഘടകത്തിന്റെ അളവ് നോക്കി വേണം സൺ സ്ക്രീൻ തിരഞ്ഞെടുക്കാൻ.

ബോഡ് സ്പെക്ട്രം: യുവി എ, യുവിബി (Ultraviolet A & Ultraviolet B) സൂര്യരശ്മികളിൽ നിന്നും പൂർണ സംരക്ഷണം നൽകുന്നതാണ് ബ്രോഡ് സ്പെക്ട്രം.

പിഎ : പ്രൊട്ടക്ഷൻ ഗ്രേഡ് ഓഫ് യുവി എ അഥവ യുവി എ റേഡിയേഷനിൽ നിന്നുള്ള സംരക്ഷണത്തിന്റെ തോത്

എന്നാണ് ഇതുകൊണ്ട് ഉദ്ദേശിക്കുന്നത്. PA കഴിഞ്ഞു ++ വന്നാൽ മിതമായ സംരക്ഷണവും +++ വന്നാൽ ഉയർന്ന സം രക്ഷണവും ++++ വന്നാൽ മികച്ച സംരക്ഷണവും ലഭിക്കും എന്നാണ് അർഥം.

വാട്ടർ റസിസ്റ്റന്റ് എന്നോ സ്വറ്റ് റസിസ്റ്റന്റ് എന്നോ സൺസ്ക്രീനിന്റെ പുറത്ത് എഴുതിയിട്ടുണ്ടെങ്കിൽ അതിനർഥം നനഞ്ഞാലും 40 മിനിറ്റ് കൂടി സൂര്യരശ്മിയിൽ നിന്നും സംരക്ഷണം ലഭിക്കുമെന്നാണ്. 80 മിനിറ്റ് എങ്കിലും സംരക്ഷണം നിലനിൽക്കുമെങ്കിൽ വാട്ടർ പ്രൂഫ് ആണ്. ആ സമയത്തിനുശേഷം വീണ്ടും സൺസ്ക്രീൻ പുരട്ടേണ്ടതാണ്.