രാജ്യസഭയിൽ നിന്നും സംസ്ഥാന ഭരണത്തലത്തിലേക്ക്

ഏപ്രിൽ 2015 ൽ നടന്ന രാജ്യസഭാംഗങ്ങളുടെ യാത്രയയപ്പ് ചടങ്ങിൽ പാർലമെന്റേറിയൻ എന്നുള്ള നിലയിൽ കക്ഷി രാഷ്ട്രീയ ഭേദമന്യേമുൻനിര നേതാക്കളുടെ പ്രശംസയേറ്റുവാങ്ങിയത് പി. രാജീവ് എന്ന വ്യക്തിയുടെ സേവനമികവിനുള്ള അംഗീകാരമാണെന്നുള്ളത് നിസംശയം പറയാം. അരുൺ ജെയ്റ്റ്ലി, ഗുലാം നബി ആസാദ് എന്നിവരൊക്കെ അദ്ദേഹത്തെ പിന്തുണച്ചിരുന്നു. ആശയപരമായി ഏറെ വിമർശനങ്ങൾ നേരിടേണ്ടിവന്ന നേതാക്കന്മാരാണിവരെന്നു ള്ളത് എടുത്തുപറയേണ്ടുന്നതാണ്. ഏതുമേഖലയിൽ പ്രവർത്തിക്കുന്നുവോ ആ മേഖലയിൽ തന്റെ ചുമതല ഭംഗിയായി നിർവ്വഹിക്കുകയെന്നതിൽ വിട്ടുവീഴ്ചയില്ലാത്ത നേതാവാണ് അദ്ദേഹം. ഇൻഫർമേഷൻ ടെക്നോളജി നിയമത്തിലെ 66എ ഭേദഗതികൾ റദ്ദാക്കണമെന്ന് ആവശ്യപ്പെട്ട് അദ്ദേഹം രാജ്യസഭയിൽ പ്രമേയം അവതരിപ്പിച്ചതും ശ്രദ്ധേയമാണ്. ഈ ഗുണമാണ് പി. രാജീവ് എന്നത് "പാർലമെന്റേറിയൻ രാജീവ്' എന്ന വിശേഷണം വ്യക്തമാക്കുന്നത്. 2016 ൽ മികച്ച പാർലമെന്റേറിയനുള്ള 'സൻസദ് രത്ന' പുരസ്കാരം ലഭിച്ചു.

- ഷീജാ നായർ