ലാൽ ജോസിന്റെ മ്യാവു

ആലുവാ സ്ലാങ് സംസാരിക്കുന്നവരാണ് പ്രധാനമായും ഈ ചിത്രത്തിലെ കഥാപാത്രങ്ങൾ, ദസ്തക്കീർ എന്നാണ് ഈ ചിത്രത്തിലെ കേന്ദ്രകഥാപാത്രത്തിന്റെ പേര്.. സൗബിൻ ഷാഹിറാണ് ദസ്തക്കീറിനെ ഭദ്രമാക്കുന്നത്. ഈ ചിത്രത്തിൽ ദസ്തക്കീറിന്റെ ഭാര്യ സുലേഖയായി പലരേയും ആലോചിച്ചിരുന്നു. മംമ്തയും അക്കൂട്ടത്തിൽ കടന്നു വന്നു.

ഗൾഫിന്റെ പശ്ചാത്തലത്തിൽ ലാൽ ജോസ് സംവിധാനം ചെയ്യുന്ന മുന്നാമത്തെ ചിത്രമാണ് മ്യാവു. അറബിക്കഥ, ഡയമണ്ട് നെക്ലസ് എന്നിവയാണ് മുൻ ചിത്രങ്ങൾ. അറബിക്കഥ, ഒരു തികഞ്ഞ കമ്മ്യൂണിസ്റ്റ് വിശ്വാസിയുടെ ഗൾഫ് ജീവിതമാണ് പറഞ്ഞതെങ്കിൽ ഡയമണ്ട് നെക്ലസ് ഒരു യുവാവിന്റെ ഗൾഫ് ജീവിതമായിരുന്നു പറഞ്ഞത്. മ്യാവു ഒരു തികഞ്ഞ കുടുംബകഥ പറയുകയാണ്.