ഡിസംബർ 'ഒരു അത്ഭുതമാസം

തിരക്കഥാകൃത്തും നായകനടനുമായ ഡിനോയ് പൗലോസ് തന്റെ ക്രിസ്തുമസ് ഓർമ്മകൾ നാനയ്ക്ക് വേണ്ടി പങ്കുവയ്ക്കുന്നു...

- ബിന്ദു പി.പി

ഈ ക്രിസ്തുമസ് കാലത്ത് ഡിനോയ്ക്ക് ഏറ്റവും മിസ്സ് ചെയ്യുന്നത് എന്താണ്?

അങ്ങനെ ചോദിച്ചാൽ പഴേതിന്റെ ബ്യൂട്ടി ഒന്നും ഇന്നുള്ളതിന് ഇല്ലാത്തതുകൊണ്ട് പണ്ടത്തെ ക്രിസ്തുമസ് കാലം നല്ലതെന്നുപറയാം. ഡിസംബർ എല്ലാരെപോലെയും എന്നെയും അത്ഭുതപ്പെടുത്തുന്ന മാസമാണ്. ഒരു വർഷത്തിന്റെ അവസാനമാസം. തണുപ്പ്. മഞ്ഞ്... അതെല്ലാം സന്തോഷം നൽകുന്ന താണ്. പിന്നെ ആഘോഷങ്ങളിൽ ക്രിസ്മസ് നൽകുന്നത് ഇരട്ടി മധുരമാണ്. ചെറുപ്പം മുതൽ ക്രിയേറ്റിവിറ്റിയിൽ താൽപ്പര്യമുള്ള ഒരാളായതുകൊണ്ട് പുൽക്കൂട് ഉണ്ടാക്കിയിരുന്നിടത്ത് ഞാൻ ആ ജോലിയിലേക്ക് വന്നപ്പോൾ വേലിയും കുന്നുമെല്ലാം കൂടെ മൊത്തം കളറാക്കി. രൂപങ്ങൾ ഉണ്ടാക്കാനും വലിയ ഇഷ്ടമാണ് എനിക്ക്. എപ്പോഴായാലും പുൽക്കൂട് ഉണ്ടാക്കാൻ എന്നെക്കാൾ മുകളിൽ നിൽക്കുന്ന ഒരാളില്ല ഇപ്പോഴും ഞങ്ങളുടെ ഏരിയയിൽ.

അത് കൊള്ളാലോ ഡിനോയ്.. കരോൾ കഥകൾ വല്ലതും ഉണ്ടോ?