എന്റെ ഗന്ധർവൻ...

‘അവസാനസിനിമ തുടങ്ങുമ്പോൾ ഒന്നിനുപുറകെ ഒന്നായി പ്രശ്നങ്ങൾ തലപൊക്കി. നായകനെ കാണാനായുളള ആദ്യ ബോംബെ യാത്രയിൽ വിമാനത്തിൽ പക്ഷിയിടിച്ചു. ഞാൻ ഗന്ധർവ്വനെന്ന പേരുകേട്ടപ്പോൾ ചിലർ വിയോജിപ്പ് ഉയർത്ത അശരീരികളെ, നമ്മൾ കാണാത്ത, കേട്ടുമാത്രം പരിചയിച്ചവരെ തൊട്ടുകളിക്കരുതെന്ന് ഉപദേശിച്ചു. തടസ്സങ്ങൾ കണ്ടപ്പോൾ ഈ സിനിമ വേണ്ടാ എന്ന് ഞാനും പറഞ്ഞു. പക്ഷെ, അദ്ദേഹം സമ്മതിച്ചില്ല... പത്മരാജന്റെ ഭാര്യ രാധാലക്ഷ്മി ഓർക്കുന്നു

- റീഷ്മ ദാമോദർ

പാതിയിൽ പൊലിഞ്ഞു പോയ സ്വപ്നത്തെക്കുറിച്ച്, ഒരിക്കൽ രാധാലക്ഷ്മി പത്മരാജൻ ഇങ്ങനെ എഴുതി...

രാത്രി, പതിനേഴാമത്തെ കാറ്റുവീശാൻ തുടങ്ങിയപ്പോൾ സ്നേഹിച്ചു മതിയാവാതെ, താലോലിച്ചു മതിയാവാതെ, ജീവിച്ചു മതിയാവാതെ, ഏതോ ഒരു ശാപത്തിന്റെ ഊരാക്കുടുക്കിൽപ്പെട്ട് ഈ ഭൂമിയേയും സമസ്ത ചരാചരങ്ങളേയും വിട്ടുപിരിയേണ്ടിവന്ന എന്റെ ഗന്ധർവൻ...