ગાડું ભરીને પુસ્તકો લાડકીને કરિયાવરમાં!

રાજકોટઃ ઘરમાં લગ્નપ્રસંગ હોય અને એમાં પણ દીકરીનાં લગ્ન હોય ત્યારે પરિવાર માટે સૌથી મોટી સમસ્યા હોય છે કરિયાવરની, કારણ કે આજે પણ દીકરીને કરિયાવરમાં સોના-ચાંદી આપવાનો રિવાજ છે. આવા સમયે દીકરીના પિતા સોનાના શો-રૂમ અને ચાંદીના શો-રૂમમાં, પરંતુ રાજકોટના હરદેવસિંહ જાડેજા સોના, ચાંદીના શો-રૂમને બદલે બુકસ્ટોલમાં, સાડી ને ડ્રેસના શો-રૂમના બદલે પુસ્તકમેળામાં, ફૂટવેરના શો-રૂમના બદલે લાઈબ્રેરીઓમાં, બ્યુટી પાર્લરને બદલે પુસ્તક વિક્રેતા કે પુસ્તક પ્રકાશક તરફ. લગ્નપ્રસંગે હરદેવસિંહના આવી જગ્યા પર જવાનું કારણ હતું એમની દીકરી કિન્નરીબા, જેમણે કરિયાવરમાં એમના વજન જેટલાં પુસ્તકો માગ્યાં હતાં!