வனவிலங்குகளை வெடிவைத்து கொல்லும் மர்ம கும்பல்!

நெல்லை மாவட்டத்தின் பத்தமடைப் பகுதியைச் சேர்ந்தவர் மாரியப்பன். சொந்தமாக 50 செம்மறி ஆடுகள் வளர்த்து வரும் இவர், சில தினங்களுக்கு முன்னர் பத்தமடை அருகிலுள்ள மலையடிவாரத்தின் இடைஞ்சாலன் குளத்திற்கு பக்கத்தில் ஆடுகளை மேய்ச்சலுக்கு ஓட்டிச் சென்றுள்ளார்.

- பரமசிவன்

தண்ணீர் குடிப்பதற்காக ஆடுகள் குளக்கரைக்கு சென்ற போது, திடீரென பயங்கர சத்தத்துடன் ஏதோ வெடித்துள்ளது. பதறியடித்துக் கொண்டு ஓடிப்போய் பார்த்தால், ஒரு ஆடு தலைசிதறி இறந்து கிடந்தது. பதட்டத்துடன் சுற்றும் முற்றும் பார்த்தபோது, வெடி வைத்திருந்த மாம்பழத்தை தின்றதால் ஆடு பலியானதை அறிந்து மாரியப்பன் அதிர்ந்துபோனார்.