భూమికి జ్వరం

అలోక్ కి వడదెబ్బ తగిలింది.

- కథ • ఓం ప్రకాశ్ క్షత్రియ

అలోక్ కి వడదెబ్బ తగిలింది. "ఇతనికి జ్వరం వచ్చింది. ఈ మందులు వేయండి. బాగయ్యే వరకు అతన్ని హైడ్రేట్గా ఉంచండి" చెప్పాడు డాక్టర్.

“అలాగే డాక్టర్” అంది అతని తల్లి.

“వీలైనంతవరకు అతనికి ద్రవ పదార్థాలు ఇవ్వండి. దీంతో అతను త్వరగా కోలుకుంటాడు” ఇంజెక్షన్ ఇస్తూ చెప్పాడు డాక్టర్.

కాసేపటికే అలోక్ నిద్రలోకి జారుకున్నాడు.అకస్మాత్తుగా తాను ఎంతో ఎత్తు పెరిగినట్లు అనిపించింది. భూమి ఒక చిన్న బంతిలా కనిపించేంతగా తాను మారడం ఆశ్చర్యంగా తోచింది. తర్వాత చంద్రునివైపు ఒక అడుగు వేసాడు.

“చూడు అలోక్! నీలాగే భూమికి జ్వరం వచ్చింది" చెప్పాడు చంద్రుడు.

అలోక్ ఆశ్చర్యపోయాడు.

'భూమికి జ్వరం వచ్చిందా' అని గొణుక్కున్నాడు.

“అవును అలోక్, నీకు నమ్మకం లేకపోతే, ఈ థర్మామీటర్ తీసుకొని భూమి ఉష్ణోగ్రత కొలువు.”

అలోక్ నమ్మలేకపోయాడు.

"భూమికి జ్వరం ఎలా వచ్చింది?".

చంద్రుడి దగ్గరి నుంచి థర్మామీటర్ తీసుకుని, దాన్ని భూమిపై ఎత్తయిన ఒక పర్వత ప్రాంతంలో పెట్టాడు. థర్మామీటర్ ని పాదరసం ఒక్కసారిగా పైకి ఎగబాకింది.