ഇടം കൈ മോശമോ?

എന്തു കൊണ്ടാണ് നമ്മൾ വലതുകൈ ഉപയോഗമാണ് സാധാരണം എന്ന് കരുതുന്നത്? വലതുകൈ ഉപയോഗിക്കു ന്ന ആളുകൾ എണ്ണത്തിൽ കൂടുതൽ ആയതുകൊണ്ട് ലോകം പൊതുവേ അതിനനുസരിച്ച് ഡിസൈൻ ചെയ്യപ്പെട്ടു എന്നതല്ലേ യാഥാർഥ്യം? ഈ ചെറു കുറിപ്പൊന്നു വായിച്ചു നോക്കു...

- ഡോ. മിഥുൻ സിദ്ധാർത്ഥൻ

1986 ലെ മെക്സിക്കോ ലോകകപ്പിലെ മറഡോണയുടെ ദൈവത്തിന്റെ കൈ' എന്ന പ്രയോഗം നമുക്കെല്ലാവർക്കും പരിചിതമാണ്. തന്റെ ഇടതു കൈകൊണ്ട് ബോൾ വലയിലെത്തിച്ചതിനെക്കുറിച്ചാണ് മറഡോണയുടെ ഈ പരാമർശം. ആ കളിയിൽ വിജയമുറപ്പാക്കിയ അടുത്തഗോൾ ഇടതുകാൽകൊണ്ട് ഉള്ളതുമായിരുന്നു. മറഡോണ ഇടംകയ്യനായിരുന്നു. നമ്മളിൽ പലരുമതെ. ഏകദേശം പത്തിൽ ഒരു വ്യക്തി ഇടംകയ്യനായിരിക്കും.