സമുദ്രാന്തര ഒപ്റ്റിക്കൽ ഫൈബർ കേബിളുകൾ

ഇന്റർനെറ്റിലൂടെ ഒഴുകുന്ന ഡാറ്റയുടെ അളവ് ദിവസം തോറും വർദ്ധിച്ചുകൊണ്ടിരിക്കുകയാണ്. അതിനാൽ സമുദ്രാന്തര കേബിളുകളുടെ പ്രാധാന്യവും കൂടിക്കൊണ്ടിരിക്കും.

- പ്രവീൺ ചന്ദ്രൻ

ഇന്റർനെറ്റിലൂടെ കിട്ടുന്ന വീഡിയോകളും ടെക്സ്റ്റും സംഗീതവുമെല്ലാം എവിടെ നിന്നാണ് വരുന്നത്? പലതും പലയിടത്തുനിന്നാണ് വരുന്നത്. നാം അന്വേഷിക്കുന്ന വിവരം ഏതെങ്കിലും സെർവറിൽ നിന്ന് ഇന്റർനെറ്റിലൂടെ നമ്മുടെ അടു ത്തുന്നു. സെർവറുകൾ എന്ന് വിളിക്കുന്നത് ധാരാളം വിവരങ്ങൾ സൂക്ഷിക്കാൻ സാധിക്കുന്ന വലിയ കംപ്യൂട്ടറുകൾ തന്നെയാണ്. സെർവറുകൾ ലോകത്ത് എവിടെ വേണമെങ്കിലുമാകാം. ലോകത്താകമാനം ലക്ഷക്കണക്കിന് സെർവറുകൾ ഉണ്ട്. അവയിൽ നിന്നെല്ലാം ഇന്റർനെറ്റിലൂടെ വിവരങ്ങൾ നമ്മുടെ അടുത്തെത്തുന്നു.