உளவாளிகளின் உலகம்!

இந்தியாவின் முதன்மையான திரைப்படத் தயாரிப்பு மற்றும் விநியோக நிறுவனங்களில் ஒன்று, யாஷ் ராஜ் ஃபிலிம்ஸ். ஏராளமான இந்திப் படங்களைத் தயாரித்துள்ளது இந்நிறுவனம்.

- த.சக்திவேல்

இதில் பல பிளாக்பஸ்டர்களும் அடங்கும். 2010க்குப் பிறகு உளவுத்துறையை மையமாக வைத்து சில இந்திப்படங்களைத் தயாரிக்க ஆரம்பித்தது யாஷ் ராஜ். இந்தப் படங்களின் கதைப் பின்னணி, மையம், கதாபாத்திரங்கள் எல்லாம் ஒன்றுக்கொன்று தொடர்புடையனவாக இருந்தன.

ஒரு படத்துக்கும் இன்னொரு படத்துக்கும் பெரிய வித்தியாசங்கள் இல்லை. ஒரு படத்தில் வந்த கதாபாத்திரம், இன்னொரு படத்தில் அதே கதாபாத்திரத்தில் வந்தது. அதனால் இந்தப் பட வரிசைகளை ‘யாஷ் ராஜ் ஸ்பை யுனிவர்ஸ்’ என்று அழைக்க ஆரம்பித்தனர். சுருக்கமாக ‘ஒய்ஆர்எஃப் ஸ்பை யுனிவர்ஸ்’. இந்த யுனிவர்ஸில் இதுவரை ஐந்து படங்கள் தயாரிக்கப்பட்டுள்ளன.