என் சினிமா கரியர் முடிஞ்சுடும்னு நினைச்சேன்!

ஆராதனைக்குரிய அழகுக்குச் சொந்தக்காரர் அருந்ததி நாயர். முதல் சந்திப்பாக இருந்தாலும் பல நாள் பழகிய தோழியைப் போல் வெகு இயல்பாக பேசக்கூடியவர்.

- எஸ்.ராஜா

விஜய் ஆண்டனி நடித்த ‘சைத்தான்’ படத்தின் மூலம் தமிழ் ரசிகர்களுக்கு அறிமுகமானவர். ஆண்டின் இறுதியில் ‘ஆயிரம் பொற்காசுகள்’, ‘யாவரும் வல்லவரே’ என இவர் நடித்த இரண்டு படங்கள் வெளியாகியுள்ளன. அந்த மகிழ்ச்சி அருந்ததியின் முகத்தில் ஜொலித்தது.

தமிழ் சினிமாவுக்கு வந்த வேகத்தில் பல படங்கள் செய்தீர்கள். அதன்பிறகு உங்களைப் பார்க்க முடியவில்லையே?

சினிமாவுல இடைவெளி வீழ்வதை தவிர்க்க முடியாது. ஆரம்பத்துல தமிழில் மளமளன்னு பல படங்கள் பண்ணினது உண்மைதான். கொரோனா வந்ததால் பெரிய இடைவெளி விழ ஆரம்பிச்சது. கமிட்டான சில படங்களின் வெளியீடு தள்ளிப்போனது.தனிப்பட்ட விதத்துல என்னுடைய ஹெல்த்தும் பாதிக்கப்பட்டதால் சில காலம் நானே பிரேக் எடுத்துக்கொ

நடிகையாகணும்  என்பதுதான் உங்கள் லட்சியமா இருந்ததா?

சினிமாவுக்கு வந்தது நானே எதிர்பார்க்காத நிகழ்வு. நடிகையாகணும்னு எந்தவித முயற்சியும் எடுத்ததில்லை. அந்தவகையில் நான் சினிமாவுக்கு வந்தது யதார்த்தமான ஓர் நிகழ்வு.

அப்போது நான் கிளாசிக்கல் மாணவி. டான்ஸ் ஸ்கூலில் இருக்கும்போதுதான் என்னைத் தேடி சினிமா சான்ஸ் வந்துச்சு. சினிமாவுல நடிக்க ஆரம்பிச்சதும் அதுவே என்னுடைய பேஷனா மாறிடுச்சு.

கடவுள் அனுக்கிரகத்தால் தமிழ், மலையாளம் என இரண்டு மொழிகளிலும் நல்ல படங்கள் கிடைச்சது. கடின முயற்சி, பல ஆடிஷன் என்றில்லாமல் ஈஸியா வாய்ப்புகள் அமைஞ்சது.

பலர் சினிமாவில் நடிக்க எந்தளவுக்கு முயற்சிக்கிறார்கள் என்றும், அதுவே அவர்கள் லட்சியமாக இருப்பதும், வாய்ப்பு என்பது அவ்வளவு எளிதான காரியம் இல்லை என்பதும் சினிமாவுக்குள் வந்தபிறகுதான் தெரிஞ்சது.

எனக்கு சினிமா பின்னணி எதுவும் இல்லை. சினிமாவுக்கு வருவதற்கு முன் சராசரி பெண்ணாக படிப்பு, வேலை, திருமணம் என்ற மனநிலையில் இருந்தேன். ‘பொங்கி எழு மனோகரா’ படத்துடன் என்னுடைய சினிமா பயணம் முடிவடைந்துவிடும் என்று கூட நினைத்திருக்கிறேன்.ஆனால், அப்படி எதுவும் நடக்கவில்லை. தொடர்ந்து தமிழில் ‘பகல்’, ‘சைத்தான்’ என பல வாய்ப்புகள் வந்தது. மலையாளத்திலும் பிஸியாக இருந்தேன்.

‘ஆயிரம் பொற்காசுகள்’ அனுபவம் எப்படி இருந்தது?