இருக்கையை அமைக்காமாவு பாநப்பதுச கரும்...படமும் இந்தப் அப்படித்தன்!

தமிழ் சினிமாவின் தவிர்க்க முடியாத காமெடி யனாக பேர் வாங்கிய சூரி, ‘விடுதலை’யில் ஹீரோவாக அடுத்த வெர்ஷனுக்கு மாறி வெற்றிக்கொடி பறக்கவிட்டார்.

இப்போது  ‘கருடன்’ படத்தில் ஹீரோவாக நடித்துள்ளார். ‘எதிர்நீச்சல்’, ‘காக்கிசட்டை’, ‘பட்டாஸ்’, ‘கொடி’ போன்ற வெற்றிப் படங்களை இயக்கிய துரை.செந்தில்குமார் இயக்கியுள்ளார்.சிவகார்த்தி கேயன், விஜய் சேதுபதி என தமிழ் சினிமாவின் பிரபலங்கள் முன்னிலையில் இதன் ஆடியோ சமீபத்தில்வெளியானது.

‘கருடன்’ - ரொம்ப நிறைவா வந்திருக்கு என்று நான் சொல்வதை விட, வெற்றிமாறன் சார், விநியோகஸ்தர்கள், நண்பர்கள் படம் பிடிச்சிருக்குன்னு சொல்லும்போது மனசுக்கு ரொம்ப சந்தோஷமா இருக்கு...’’ உற்சாகமாக பேச ஆரம்பித்தார் இயக்குநர் துரை.செந்தில்குமார்.

வெற்றி மாறன் கதையில் என்ன ஸ்பெஷல்?

இது வெற்றிமாறன் சார் கதை என்று முழுசா சொல்ல முடியாது. ஒருவிதத்துல ப்ரொமோஷன் யுக்தி என்றும் சொல்லலாம். பொதுவாக, என்னுடைய கதைகளை வெல்விஷர் என்ற அடிப்படையில் வெற்றி மாறன் சாரிடம் டிஸ்கஸ் பண்ணுவேன். அதுபோல் இந்தக் கதையையும் அவரிடம் டிஸ்கஸ் பண்ணினேன். அவர் சில இன்புட் கொடுத்ததோடு, தன்னுடைய பேரையும் யூஸ் பண்ணுவதற்கு அனுமதிச்சார். அதுதான் அவருடைய பெருந்தன்மை.

‘விடுதலை’ வெற்றிக்குப் பிறகு சூரி நாயகனாக நடிக்கும் படத்தில் வெற்றிமாறன் சார் பேர் இருந்தால் அது படத்துக்கு பலமாக இருக்கும்னு டீமா யோசிச்சோம். மற்றபடி, எங்க டீமுடைய பங்களிப்பும் கதை, திரைக்கதையில் உண்டு.

டிரெய்லர்ல சூரியின் கர்ஜனை அதிருது..?

இது உணர்வுகளைப் பேசக்கூடிய ஆக்‌ஷன் டிராமா. டிரெய்லர்ல சில விஷயங்களைச் சொல்லியிருப்போம். மினிஸ்டர், நண்பர்கள், விசுவாசமான வேலைக்காரன், ஊர் மக்கள் என அவர்களுடைய வாழ்க்கையில் நடக்கும் மோதல்கள் என்ன மாதிரி பாதிப்பை ஏற்படுத்துகிறது என்பதுதான் படம்.

இதுவரை நான் பண்ணிய நான்கு படங்களிலும் எல்லோருடைய பார்வையிலும் கதையை பார்க்கக் கூடிய வகையில் திரைக்கதை எழுதப்பட்டிருக்கும். அதை திரைக்கதை ஆசிரியரின் பலமாக பார்க்கிறேன். அப்படி இதில் ஒவ்வொரு கேரக்டர் வழியாகவும் இந்தப் படத்தைப் பார்க்க முடியும். ஒவ்வொரு கேரக்டருக்கும் முழுக் கதை இருக்கும். ஒவ்வொரு கதாபாத்திரத்தின் வழியாக அவர்களின் வாழ்க்கையைப் பார்க்கும்போது எல்லாமே கரெக்ட்டா இருக்கிற மாதிரி தெரியும்.