കോമഡി കഥാപാത്രത്തെ കാത്ത് ....

സംസ്ഥാന ചലച്ചിത്ര അവാർഡ് നിർണ്ണയത്തിൽ ജൂറിയുടെ പ്രത്യേക പരാമർശമുണ്ടായപ്പോൾ സിജി പ്രദീപിന്റെ ആഹ്ലാദത്തിന് അതിരുകളില്ലായിരുന്നു. ഒരു കഥാപാത്രത്തെ മിഴിവുറ്റതാക്കാൻ രണ്ട് വർഷമായി നടത്തിയ പരിശ്രമത്തിന്റെ പ്രതിഫലനമായിരുന്നു ഈ ആഹ്ലാദം. ഭാരതപ്പുഴയെന്ന ചിത്രത്തിൽ അഭിസാരികയായ കഥാപാത്രത്തെ സിജി പ്രദീപ് തന്മയത്വത്തോടെ അഭിനയിച്ച് പ്രതിഫലിപ്പിച്ചതാണ് ജൂറിയെ ആകർഷിച്ചത്.

- എം.എസ്. ദാസ് മാട്ടുമന്ത

കേരള യൂണിവേഴ്സിറ്റിയിൽ നിന്നും തീയേറ്ററിൽ എം.ഫിലും, തിരുവനന്തപുരം പ്രസ്സ് ക്ലബ്ബിൽ നിന്ന് ജേർണലിസത്തിൽ പി.ജി.ഡിപ്ലോമയും നേടിയ സിജി പ്രദീപ് ഇപ്പോൾ നാടകം ഐച്ഛികവിഷയമായെടുത്ത് കോട്ടയം എം.ജി. യൂണിവേഴ്സിറ്റിയിൽ പി.എ ച്ച്.ഡി ചെയ്യുന്നതിനിടയിലാണ് ചലച്ചിത്രാഭിനയത്തിലും സജീവമാകുന്നത്. ഇന്ത്യയിലെ നാല് ഇന്റർനാഷണൽ തീയേറ്റർ ഫെസ്റ്റിവലുകളിലെ നാടകങ്ങളിലും കേന്ദ്ര കഥാപാത്രമായി സിജി പ്രദീപ് അഭിനയിച്ചു.

അരങ്ങുകളിൽ നിന്നും ആർജ്ജിച്ചെടുത്ത ഭാവാഭിനയ പൂർണ്ണിമയെ നെഞ്ചിലേറ്റിയാണ് സിജി പ്രദീപ് വൈവിധ്യ ക്യാമറയുടെ മുന്നിലെത്തിയത്. തിയേറ്ററിന്റെ മാർന്ന കരുത്ത് സിനിമയെന്ന മാസ്മരിക ലോകത്തേക്ക് കടന്നു വന്ന സിജി പ്രദീപിന് അനുഗ്രഹമായി മാറുകയായിരുന്നു. ആർക്ക്ലൈറ്റുകളുടെ വെളിച്ചത്തിൽ ക്യാമറയുടെ മുന്നിൽ നിൽക്കുമ്പോൾ കഥാപാത്രത്തിന്റെ ഹൃദയം തൊട്ടറിയാൻ സിജി പ്രദീപിന് നിമിഷങ്ങൾ മതി. ഇതിനകം ഇരുപതോളം ഷോർട്ട് ഫിലിമുകളിൽ നായികയായിരുന്ന സിജി പ്രദീപ് പതിനാല് സിനിമകളിൽ ശ്രദ്ധേയമായ വേഷം ചെയ്തു. തൃശൂരിലെ പൂമലയിൽ ചിത്രീകരണം നടന്ന ആകാശത്തിന് താഴെ എന്ന ചിത്രത്തിന്റെ സെറ്റിലാണ് സിജി പ്രദീപിനെക്കണ്ടത്. ഈ ചിത്രത്തിലെ നായികയായ സിജി പ്രദീപ് തന്റെ ചലച്ചിത്രാഭിനയ അനുഭവങ്ങൾ പങ്കുവയ്ക്കുകയാണ്.

ഈ ചിത്രത്തിലെ കഥാപാത്രത്തിന്റെ സ്വഭാവസവിശേഷയെക്കുറിച്ച് സൂചിപ്പിക്കാമോ?