ബോൾഡ് ആന്റ് ബ്യൂട്ടിഫുൾ

 മലയാളികൾക്ക് ഏറെ പ്രിയപ്പെട്ട നടി സ്വാസിക സിനിമയിൽ തന്റേതായ ഇടം ഉറപ്പിക്കുകയാണ്. ചതുരം എന്ന പുതിയ ചിത്രത്തിലെ നായികയായി സ്വാസിക എത്തുമ്പോൾ ആ കഥാപാത്രം ഏറെ വെല്ലുവിളികൾ നിറഞ്ഞതായിരുന്നുവെന്നും എന്നാൽ താൻ ഏറെ ആഗ്രഹിച്ച സിനിമയാണിതെന്നും സ്വാസിക പറയുന്നു. സ്വാസികയുടെ സിനിമാവിശേഷങ്ങളിലേക്ക്.

- ശരത് സുബ്രഹ്മണ്യൻ

ചതുരം പ്രേക്ഷകർ ഏറ്റെടുത്തല്ലോ?

ഞാൻ നായികയായി ആദ്യമായി തിയേറ്ററിൽ പുറത്തിറങ്ങിയ ചിത്രം. ഒരുപാട് സന്തോഷമുണ്ട്. ഒരുപാട് റിസ്ക് എടുത്തുകൊണ്ടാണ് ഈ ചിത്രത്തിൽ അഭിനയിച്ചത്. എനിക്ക് മാത്രമല്ല സംവിധായകൻ സിദ്ധാർത്ഥ് ഭരതനുൾപ്പെടെ എല്ലാവർക്കും ഒരു പരീക്ഷണചിത്രം തന്നെയായിരുന്നു ചതുരം. ഞാൻ ഇതുവരെ ചെയ്തിട്ടുള്ള കഥാപാത്രങ്ങളെല്ലാം ഒരേ പാറ്റേണിൽ ഉള്ളതായിരുന്നു. ഒന്നുകിൽ ടീച്ചർ അല്ലെങ്കിൽ സഹോദരി അല്ലെങ്കിൽ ഭാര്യ. എല്ലാം സമാനസ്വഭാവമുള്ള കഥാപാത്രങ്ങൾ തന്നെ. എന്തെങ്കിലും വ്യത്യസ്തതയുള്ള ഒരു കഥാപാത്രം ചെയ്യണമെന്ന് ഏറെ നാളായി ആഗ്രഹിച്ചിരുന്നു. അങ്ങനെയിരിക്കെയാണ് നായികയായി ഒരു ചിത്രത്തിൽ മുഴുനീള കഥാപാത്രം വരുന്നത്.

സിദ്ധാർത്ഥ് ഭരതനുമായുള്ള സൗഹൃദം?

ചിത്രത്തിന്റെ ഓഡിഷന് ചെന്നപ്പോഴാണ് ഞാൻ അദ്ദേഹത്തെ ആദ്യമായി കാണുന്നത്. അതിനു മുൻപ് യാതൊരു പരിചയവുമില്ല. ഞാനൊരു ഡയറക്ടർ ആർട്ടിസ്റ്റ് ആണ്. നല്ലൊരു സംവിധായകൻ ഗൈഡ് ചെയ്യാനുണ്ടെങ്കിൽ എന്റെ ബെസ്റ്റ് എനിക്ക് ചെയ്യാൻ സാധിക്കാറുണ്ട്.

റോഷനൊപ്പമുള്ള കെമിസ്ട്രി

റോഷൻ വളരെ കംഫർട്ടബിൾ ആയ ആക്ടറാണ്. അദ്ദേഹം വളരെ ഡെഡിക്കേറ്റഡ് ആണ്. ഒരുതരത്തിലും സീൻ എടുക്കുന്ന സമയത്ത് നമ്മുടെ ശ്രദ്ധ മറ്റൊന്നിലേക്കും കൊണ്ടുപോകില്ല. എന്റെ ക്ലോസ്ഷോട്ട് ആണ് പോകുന്നതെങ്കിലും എനിക്കെതിരെ വന്നുനിൽക്കും, കാരവാനിൽ പോയി റെസ്റ്റ് എടുക്കാറില്ല. കൂടെ അഭിനയിക്കുന്നവരെ വളരെ കംഫർട്ടബിൾ ആക്കുന്ന നടനാണ് റോഷൻ. അതുകൊണ്ട് റോഷനുമായുള്ള ഒരു രസകരമായ കെമിസ്ട്രിയിലേക്ക് എത്തിച്ചേരുന്നത് വളരെ ഈസിയായിരുന്നു.

ലൊക്കേഷന് പുറത്തും സൗഹൃദം