വീകം പോലീസ് സ്റ്റോറിയുമായി സാഗർ

ദിനേശിന്റെ അഭിനയജീവിതത്തിലെ വലിയൊരു വഴിത്തിരിവായിരിക്കും ഇതിലെ സണ്ണി എന്ന കഥാപാത്രം.

- വാഴൂർ ജോസ്

അത്യന്തം സസ്പെൻസ് നിറഞ്ഞ ഒരു മർഡർ മിസ്റ്ററിയുമായിട്ടാണ് സാഗർ എത്തുന്നത്. ചിത്രം വീകം.

കുമ്പാരീസ്, സത്യം മാത്രമേ ബോധിപ്പിക്കൂ എന്നീ ചിത്രങ്ങൾക്കു ശേഷം സാഗർ തിരക്കഥ രചിച്ച് സംവിധാനം ചെയ്യുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായിരിക്കുന്നു.

എബ്രഹാം മാത്യു അവതരി പ്പിക്കുന്ന ഈ ചിത്രം അബാം മൂവീസിന്റെ ബാനറിൽ ഷീലു എബ്രഹാമാണ് നിർമ്മിക്കുന്നത്.

പ്രധാനമായും മെഡിക്കൽ കാമ്പസ് പശ്ചാത്തലത്തിലൂടെ യാണ് ഈ ചിത്രത്തിന്റെ അവതരണം.

കൊച്ചിയാണ് ലൊക്കേഷൻ.

പശ്ചിമകൊച്ചിയിലെ പെരുമ്പ ടപ്പ് ഫാത്തിമാ ഹോസ്പിറ്റൽ ഈ ചിത്രത്തിന്റെ പ്രധാന ലൊക്കേഷനാണ്.

മെഡിക്കൽ കാമ്പസ് ഭാഗങ്ങളാണ് ഇവിടെ ചിത്രീകരിക്കുന്നത്. കൂട്ടത്തിൽ സംഘട്ടനരംഗങ്ങളും ഉണ്ട്.