അൻപോട് കൺമണിയുമായി നകുലനും ശാലിനിയും

അർജുൻ അശോകൻ, അനഘ നാരായണൻ എന്നിവരെ പ്രധാന കഥാപാത്രങ്ങളാക്കി ലിജു തോമസ് സംവിധാനം ചെയ്യുന്ന അൻപോട് കൺമണി'യിൽ നകുലനായി അർജ്ജുൻ അശോകനും ശാലിനിയായ അനഘനാരായണനും എത്തുന്നു

- എ.എസ്. ദിനേശ്.

നകുലൻ കണ്ണൂർ സ്വദേശിയാണ്. അമ്മയും ഭാര്യയുമടങ്ങുന്ന കുടുംബം നോക്കുന്ന ഒരു സാധാരണക്കാരൻ. ശാലിനി ഭാര്യയായി നകുലന്റെ ജീവിതത്തിൽ വന്നിട്ട് അധികം നാളായില്ല. വിവാഹാനന്തരം ഏറെ സന്തോഷകരമായിരുന്നു ഇരുവരുടേയും ദാമ്പത്യജീവിതം.

പക്ഷേ പതുക്കെപ്പതുക്കെ കൊച്ചുകൊച്ചു അഭിപ്രായവ്യത്യാസങ്ങൾ കുടുംബത്ത് ഉയർന്നുതുടങ്ങി. അതിന് കാരണക്കാർ അവരായിരുന്നില്ല എന്നതാണ് മറ്റൊരു സത്യം. പക്ഷേ കല്യാണം കഴിയുന്നതോടെയാണ് കുടുംബത്തിൽ ചെറിയ പ്രശ്നങ്ങൾ ആരംഭിക്കുന്നത്.