തുറന്നുപറയാൻ മടിയില്ല.നാദിർഷ

മിമിക്രിയിലൂടെ സിനിമയിലേക്ക് ഒരു കടന്നു വരവ്. അഭിനയത്തിന് പുറമെ സംവിധായകൻ, ഗായകൻ, ഗാനരചയിതാവ്, ഹാസ്യനടൻ, ടെലിവിഷൻ അവതാരകൻ ഇങ്ങനെ പല വേഷങ്ങ ളിൽ മലയാളികൾക്ക് മുമ്പിലെത്തിയ കലാകാരനാണ് നാദിർഷ. അമർ അക്ബർ അന്തോണി, കട്ടപ്പനയിലെ ഹൃത്വിക് റോഷൻ, കേശു ഈ വീടിന്റെ നാഥൻ, ഈശ എന്നി ങ്ങനെ നാദിർഷയുടെ സംവിധാനമികവിൽ പുറത്തിറങ്ങിയ ചിത്രങ്ങൾ പ്രേക്ഷകർ ഇരു കയ്യും നീട്ടിയാണ് സ്വീകരിച്ചത്. സംവിധായകന്റെയും രചയിതാവിന്റെയുമെല്ലാം ഉത്തരവാദിത്വങ്ങളിലേക്ക് ചേക്കേറിയ നാദിർഷായുടെ സിനിമാവിശേഷങ്ങളിലൂടെ...

- അപ്പൂസ് കെ. എസ്

ഹാസ്യചിത്രങ്ങളിൽ നിന്ന് ത്രില്ലറിലേക്കുളള ചുവടുമാറ്റം

വ്യത്യസ്തമായ ചിത്രങ്ങൾ ചെയ്യണമെന്നാണ് എന്റെ ആഗ്രഹം. ആർക്കും പിടികൊടുക്കാതെ പല ട്രാക്കിലൂടെ സഞ്ചരിക്കണം. നാദിർഷയുടെ സിനിമകൾ എന്നുപറയു മ്പോൾ "അയാൾ തമാശ സിനിമകളല്ലേ ചെയ്യൂ,' അല്ലെ ങ്കിൽ ചിരിക്കാൻ വേണ്ടിയുള്ള ഡ് മാത്രമേ എന്റെ സിനിമകളിൽ ഉണ്ടാകൂ എന്ന് ഞാൻ തന്നെ ആളുകൾക്ക് ഒരു മുൻവിധി കൊടുത്തിരുന്നു. ഒരു സംവിധായകൻ എന്ന നിലയിൽ നമുക്കൊരു വളർച്ച ഉണ്ടാവണമെങ്കിൽ എല്ലാതരത്തിലുള്ള ചിത്രങ്ങളും ചെയ്യാൻ പഠിക്കണം. അല്ലെങ്കിൽ നമുക്ക് ഉള്ളിന്റെയുള്ളിൽ ഒരു ആഗ്രഹം വേണം. വേറിട്ട രീതികളിലുള്ള കഥകൾ സംവിധാനം ചെയ്യണം. എന്റെ സിനിമകൾ തിയേറ്ററിൽ വന്ന് കണ്ട ശേഷം മാത്രം ആളുകൾ അതിനെ ഏത് കാറ്റഗറിയിൽ പെടുത്തണം എന്ന് പറഞ്ഞാൽ മതി. അല്ലാതെ ഒരു മുൻധാരണ വെച്ച് എന്റെ സിനിമ കാണണമെന്നില്ല.

പുതുമുഖങ്ങൾക്ക് വഴികാട്ടിയായപ്പോൾ