ഇത് ഇന്ത്യയാണ് ഇവിടം ഇങ്ങനെയാണ്

മലയാള നടിമാരിൽ ലിയോണയ്ക്ക് മാത്രമായി ചില സിഗ്നേച്ചർ ഡയലോഗുകൾ ഉണ്ട്

- അപ്പൂസ് കെ.എസ്

മലയാള നടിമാരിൽ ലിയോണയ്ക്ക് മാത്രമായി ചില സിഗ്നേച്ചർ ഡയലോഗുകൾ ഉണ്ട്. പലസമയത്തും അത് ട്രോളിലും. മീമിലും ഒക്കെ പ്രത്യക്ഷപ്പെടാറുണ്ട്. അപ്പോൾ എന്താണ് തോന്നുക?

ലിയോണ: ഇത് ഇന്ത്യയാണ് ഇവിടെ ഇങ്ങനെയാണ് എന്ന ജനഗണമനയിലെ ഡയലോഗ് ആണ് അധികം മീമുകളിൽ കണ്ടിട്ടുള്ളത്. നമ്മുടെ വർക്ക് അത്രത്തോളം ആളുകളിൽ എത്തിയിട്ടുണ്ടല്ലോ എന്നെ അവ കാണുന്ന സമയത്ത് തോന്നാറുള്ളൂ.

22 വയസ്സിൽ തുടങ്ങിയ സിനിമാജീവിതം പത്ത് വർഷത്തിനിപ്പുറവും അതു പോലെ തുടരുന്നു. പിന്നിലേക്ക് തിരിഞ്ഞുനോക്കുമ്പോൾ എന്താണ് കാണുന്നത്?

ഞാൻ പൂർണ്ണമായും മാറിയിട്ടുണ്ട്. ജീവിതത്തോടുള്ള എന്റെ കാഴ്ചപ്പാട് തന്നെ മാറി. ഇപ്പോഴത്തെ എന്റെ ജീവിതത്തിൽ എനിക്ക് തന്നെ അഭിമാനമുണ്ട്. എന്റെ സ്വന്തം കാര്യം ചെയ്യാൻ വേണ്ടിത്തന്നെ ഞാൻ പലരെയും ആശ്രയിച്ചിരുന്ന ആളായിരുന്നു. ഇപ്പോ എനിക്ക് എന്ത് വേണമെങ്കിലും ഒറ്റയ്ക്ക് ചെയ്യാം.. സ്വാതന്ത്ര്യം ഉണ്ട്. പത്തുവർഷം ആയിട്ടും ഞാൻ ഇവിടെ തന്നെയുണ്ടായിരുന്നു എന്നുള്ളത് തന്നെ നല്ല കാര്യമായി കാണുന്നു.

അന്ന് സിനിമയിലേക്ക് വരുന്നതിന് തടസ്സം ഉണ്ടാക്കിയ കാര്യങ്ങൾ എന്തൊക്കെയായിരുന്നു?