അക്കമ്മയായി പൂർണ്ണിമ...

സ്നേഹം വൈകാരികമായ ഈഗോയുടെ മുമ്പിൽ നഷ്ടപ്പെടുകയും അതിന്റെ പ്രത്യാഘാതങ്ങൾ ഏറ്റുവാങ്ങുകയും ചെയ്യുന്ന കഥാപാത്രങ്ങളിലൂടെ ആക്ഷേപഹാസ്യത്തിന്റെയും ശുദ്ധഹാസ്യത്തിന്റെയും അകപടിയിൽ ഒരു കട്ടിൽ ഒരു മുറി അവതരിപ്പിക്കുന്നു

- എ.എസ്. ദിനേശ്.

ഒരു ഇടവേളയ്ക്കുശേഷം മലയാളത്തിൽ പൂർണ്ണിമ ഇന്ദ്രജിത്ത് കേന്ദ്രകഥാപാത്രത്തെ അവതരിപ്പിക്കുന്ന “ഒരു കട്ടിൽ ഒരു മുറി ഉടൻ പ്രേക്ഷകരുടെ മുന്നിലേക്ക് എത്തുകയാണ്.

"കിസ്മത്ത്', 'തൊട്ടപ്പൻ' എന്നീ സിനിമകൾക്കു ശേഷം ഷാനവാസ് കെ. ബാവക്കുട്ടി സംവിധാനം ചെയ്യുന്ന ചിത്രമാണ് ഒരു കട്ടിൽ ഒരു മുറി. അക്കമ്മ എന്ന തമിഴ് കഥാപാത്രത്തെയാണ് പൂർണ്ണിമ അവതരിപ്പിക്കുന്നത്. ഇതുവരെ മലയാളസിനിമയിൽ തമിഴ് കഥാപാത്രം ചെയ്തിട്ടില്ല. എന്നാൽ പതിനഞ്ച് വർഷം മുമ്പ് കോലങ്ങൾ എന്ന തമിഴ് സീരിയലിൽ ചെയ്തിട്ടുണ്ട്. മലയാളത്തിൽ ചെയ്ത കഥാപാത്രങ്ങൾ എല്ലാം ഏറെ ശ്രദ്ധേയവും വേറിട്ടുനിൽക്കുന്നവയുമാണ്.' പൂർണ്ണിമ ഇന്ദ്രജിത്ത് പറഞ്ഞു.