The New Crush!!!!

മലയാളത്തിലായാലും തമിഴിലായാലും സിനിമാ ആരാധകരായ യുവാക്കളുടെ ഇപ്പോഴത്തെ 'ക്രഷ് മമിതാ ബൈജുവാണ്. 'പ്രേമലു'വിന്റെ വിജയം മമതയുടെ യശസ്സ് അതിർത്തികൾക്കപ്പുറത്തേയ്ക്ക് ഉയർത്തിയിരിക്കയാണ്. ബാലയുടെ വണങ്കാൻ' എന്ന സിനിമയിൽ ആദ്യം നായികയായി നിശ്ചയിച്ചിരുന്നത് മമിതയെയാണ്. എന്നാൽ സാങ്കേതികമായ ചില കാരണങ്ങളാൽ അതിൽ നിന്നും പിൻമാറേണ്ടി വന്നു. മലയാളത്തിൽ നിന്നും തമിഴിൽ ചേക്കറി വെന്നിക്കൊടി പാറിക്കുന്ന മലയാളി സുന്ദരിമാരുടെ നിരയിൽ മമിതയും അംഗമാവുകയാണ്. തമിഴിലെ ആദ്യചിത്രമായ 'റിബൽ ബോക്സോഫീസിൽ വലിയ കോളിളക്കമൊന്നും സൃഷ്ടിച്ചില്ലെങ്കിലും മമിതയോടുള്ള ‘ക്രേസ് അനുദിനം വർദ്ധിക്കയാണ്. തമിഴ് സിനിമാരംഗപ്രവേശത്തെക്കുറിച്ചും 'പ്രേമലു' നൽകിയ ഊർജ്ജത്തെ ക്കുറിച്ചും മമിത ബൈജു വാചാലയാവുന്നു.

- അജയ്കുമാർ

പ്രേമലു കേരളത്തിന് പുറത്തും പ്രത്യേകിച്ച് തമിഴ്നാട്ടിൽ ഇത്രയും വലിയ വിജയം നേടുമെന്ന് പ്രതീക്ഷിച്ചിരുന്നുവോ? തീർച്ചയായും പ്രതീക്ഷിച്ചതല്ല. കേരളത്തിൽ ഹിറ്റാവും എന്ന് ഞങ്ങളുടെ ടീമിന് ആത്മവിശ്വാസമുണ്ടായിരുന്നു. തമിഴ്നാടിനെക്കുറിച്ച് ഒരു ഐഡിയയും ഉണ്ടായിരുന്നില്ല. തമിഴ്നാട്ടിലുള്ള മലയാളികൾക്ക് വേണ്ടിയാണ് അവിടെ ഏതാനും സ്ക്രീനിൽ റിലീസ് ചെയ്തത്. തമിഴ് നാട്ടിലാവട്ടെ കേരളത്തിലാവട്ടെ ഏറെനാൾ “പ്രേമലു ഹൗസ് ഫുള്ളായി തന്നെ ഓടി. അത് മനസ്സിന് വളരെയധികം സന്തോഷം നൽകി. ആ സമയത്തു തന്നെയാണ് എന്റെ ആദ്യ - തമിഴ് സിനിമയായ "റിബൽ റിലീസായതും. ഒപ്പം തന്നെ “പ്രേമലു'വും തമിഴിൽ ഡബ്ബ് ചെയ്ത് റിലീസായി. തമിഴ്നാട്ടിൽ നിന്നും എനിക്ക് കിട്ടിയ ഏറ്റവും വലിയ സ്വീകരണമായിട്ടാണ് ഞാനതിനെ കാണുന്നത്.

“പ്രേമലുവിന്റെ വിജയത്തിൽ നിന്നും നിങ്ങൾ മനസ്സിലാക്കിയതെന്താണ്?

“പ്രേമലു'വിന്റെ സംവിധായകൻ ഗിരീഷ് എ.ഡിയുടെ മുൻ ചിത്രമായ "സൂപ്പർ ശരണ്യ'യിൽ ഞാനും “പ്രേമലു'വിലെ നായകൻ നസ്സിനും അഭിനയിച്ചിരുന്നു. അതു കൊണ്ട് ഈ സിനിമയിൽ ഒരു ഫാമിലിയായിട്ട് പ്രവർത്തിക്കാൻ കഴിഞ്ഞു. അങ്ങനെ ഞങ്ങളുടെ കെമിസ്ട്രിയുടെ ഫലമായി പടം സൂപ്പർഹിറ്റായി.

തമിഴ് സിനിമയിൽ അഭിനയിക്കാനുള്ള ആഗ്രഹം നേരത്തെ ഉണ്ടായിരുന്നോ?