ഓണപ്പാട്ടുകളുടെ ഓണവസന്തം ഇനിയുണ്ടാവില്ല - ശ്രീകുമാരൻ തമ്പി

ഓണപ്പാട്ടുകളുടെ മഹാരാജാവ് ആരാണെന്ന് ചോദിച്ചാൽ അതിന് ഒരുത്തരമേയുള്ളൂ. അത് ശ്രീകുമാരൻ തമ്പിയാണ്.

- ജി. കൃഷ്ണൻ

മൂന്ന് ദശാബ്ദങ്ങൾക്കും മുമ്പ്, അല്ലെങ്കിൽ നാൽപ്പത് വർഷക്കാലമായുള്ള ശ്രീകുമാരൻ തമ്പിയുടെ ഒരു ഓണക്കവിതയുണ്ട്.

"മാവേലിപ്പാട്ടിന്റെ മധുപകരൂ
മുത്തശ്ശി മണിവയറിൽ
ഞൊറിവയറിൽ
ഉമ്മതരാം മുത്തശ്ശീ...

പുതിയ തലമുറയിലെ കവിതാ ആസ്വാദകർക്ക് പക്ഷേ, ഈ കവിതയും വരികളും അന്യമായിരിക്കും... ഏറെ അകലെയായിരിക്കും.

ആ കവിതയിലെ വരികൾ ഇങ്ങനെ തുടരുന്നു ...

"കള്ളമില്ല ചതിയില്ല
കൈക്കൂലി കെണിയില്ല
കള്ളുവിൽക്കും കടയില്ല
അബ്കാരി കളിയില്ല
കേറ്റുമതി ഇറക്കുമതി എം.എൽ.എമാരില്ല...

ഓണത്തിന്റെ മാഹാത്മ്യത്തെയും ഐതിഹ്യ ത്തെയും ഗാനങ്ങളിലൂടെ എഴുതിയും പാടിയും മലയാളികളെ ഓണോത്സവത്തിന്റെ ലഹരിയിൽ ആറാടിച്ച് വേറൊരു കവി ഇല്ലെന്നുതന്നെ പറയാം.

1. "ഒരു നുള്ളു കാക്കപ്പൂ കടം തരുമോ...

പൂവേ.. പൊലി പൂവേ...

2. മുടിപ്പൂക്കൾ വാടിയാലുമെന്തോമനെ ..

നിന്റെ ചിരിപ്പൂക്കൾ വാടരുതെന്നോമനെ...

3. "ഉത്രാടപ്പൂ നിലാവേ വാ....

ഇങ്ങനെ എത്രയെത്ര പാട്ടുകളാണ് ശ്രീകുമാരൻ തമ്പി എഴുതിയിരിക്കുന്നത്. ഏതാണ്ട് എല്ലാ ഓണ പാട്ടുകളും യേശുദാസ് പാടിയിരിക്കുന്നു. രവീന്ദ്രൻ ഈണം നൽകിയിരിക്കുന്നു. ഈയിടെ ശ്രീകുമാരൻ തമ്പിയെ കാണുമ്പോൾ ആ ഓണപ്പാട്ടുകളുടെ ഓണവസന്തകാലത്തെക്കുറിച്ചൊന്ന് ഓർമ്മിക്കാമോയെന്ന് ചോദിച്ചപ്പോൾ അദ്ദേഹം പറഞ്ഞു.