என நம்பிக்கை!

"தன் மகனை சிறப்புடன் நல்ல முறையில் வளர்க்க வேண்டுமென்று லாவண்யா நினைத்தாள். அதற்காக அவள் எடுத்துக் கொண்ட முயற்சிகள் என்ன?”

- வே.அழகன்

வயதான காலத்தில் தான் வயதானவர்கள் பேசாமல் கட்டிலில் படுக்க வேண்டும். ஆனால் 39 வயது லாவண்யா தன் கணவருடன் வீடியோ கால் மூலம் பேசி விட்டு தனியே கட்டிலில் படுத்துக் கொண்டாள். இது அவளுடைய துர்பாக்கியம். அடுத்த ஜில்லாவிற்கு மாற்றல் ஆனதால் அவள் கணவன் ஆனந்தும், லாவண்யாவை பிரிந்து வாழ்வில் தவித்தான்.

"வேலையை விட்டு விட்டு வீடு வந்து சேர்ந்து விடலாமா?" என்று கூறினான் ஆனந்த்.

ஆனால் இன்று வேலையில்லா திண்டாட்டம் இருக்கும் இந்த காலகட்டத்தில் அரசாங்க வேலையை உதறிவிட முடியாது என்று ஆனந்த் லாவண்யா இருவருக்கும் தெரியும். எப்போதும் போல் போன் ஸ்க்ரீனில் தங்கள் அன்பை பரிமாறி கொண்டனர்.

அப்போது லாவண்யா கூறினாள், "என்னங்க, சோனுவும் பாத்ரூமிலிருந்து வந்து விட்டான், பேசுங்கள் அவனிடம் திட்டி கேளுங்கள்'' என்று கூறி தன் 13 வயது ஒரே மகனான சோனுவிடம் போனை கொடுத்தாள்.

"அப்பா 15 நாட்களுக்கு ஒருமுறை வருவீர்கள் என்று கூறினீர்கள்... ஏன் வரவில்லை?'

ஆனந்த் அன்பாக தன் இயலாமையை எடுத்து சொன்னான். பேசி முடித்த பின் அறையில் நைட் பல்ப் போட்டு விட்டு லாவண்யா தன் மகன் சோனுவை மார்போடு அணைத்து கொண்டு தூங்கி விட்டாள்.

சோனு கேட்டான், "அம்மா இன்று ஏதாவது புதிய கதை கூறு.

"சரி கதை கேளு..." என்று கூற ஆரம்பித்தாள். மெல்ல மெல்ல தூக்கம் அவர்களை தழுவியது.

நடு நிசியில் லாவண்யாவின் உறக்கம் கலைந்தது. தன் ஆடைகளை சரி செய்து கொண்டாள். சோனுவின் "" தலையை வருடினாள் அவன் அமைதியாக உறங்கி கொண்டிருந்தான்.

கோடைக்காலம் என்பதால் ஜன்னல் திறந்திருந்தது. லாவண்யா ஜன்னல் அருகில் சென்று அந்த ரோட்டை பார்த்தாள். கீழே உள்ள அறையில் 2 மாணவர்கள் குடியிருந்தார்கள், ஏதாவது வேலையாக இங்கு வந்திருப்பார்களோ என்று நினைத்தாள்.