കൃഷി കാണാം, അനുഭവിക്കാം സ്കറിയാപിള്ള വിളിക്കുന്നു

കർഷകശീ സി.ജെ. സ്കറിയാപിള്ളയുടെ തനിമ ഫാം ലൈഫ് ടൂറിസം പ്രോജക്ടിൽ സന്ദർശകരെ കാത്തിരിക്കുന്നതു വിസ്മയക്കാഴ്ചകൾ, അപൂർവ അനുഭവങ്ങൾ

കേരളത്തിലെ ഏറ്റവും മികച്ച കർഷകരിൽ ഒരാളായ കർഷകശ്രീ സി.ജെ. സ്കറിയാ പിള്ള നിങ്ങളെ ക്ഷണിക്കുന്നു; അദ്ദേഹവും മകൻ റെയ്നോൾഡ് സ്കറിയയും ചേർന്ന് പാലക്കാട് നല്ലേപ്പുള്ളി അല്ലക്കുഴയിലൊരുക്കിയ തനിമ ഫാം ലൈഫിലെ കൃഷിക്കാഴ്ചകൾ കാണാൻ അതിനുള്ളിലെ നടപ്പാതകളിലൂടെ ശുദ്ധവായു ശ്വസിച്ചു നടക്കാൻ വിദേശിയും സ്വദേശിയുമായ അറുപതിലേറെ ഫലങ്ങൾ ഫ്രഷ് ആയി പറിച്ചു കഴിക്കാൻ ശില്പ ഭംഗി നിറഞ്ഞ നാലു കെട്ടിൽ ഒരു കാർഷിക കുടുംബ ജീവിതം ആഘോഷിക്കാൻ വിഭവസമൃദ്ധമായ നാടൻ ഭക്ഷണം ആസ്വദിക്കാൻ.

കൃഷിക്കാഴ്ചകൾ

സ്കറിയാപിള്ളയും കുടുംബവും 34 ഏക്കറാണ് ഇവിടെ ഫാം ടൂറിസത്തി ഒരുക്കിയിട്ടുള്ളത്. ഇതിൽ11ഏക്കർ തെങ്ങിൻതോപ്പ് വർഷംകൊണ്ട് റിയാപിള്ളയുടെ നേരിട്ടുള്ള മേൽ നോട്ടത്തിൽ വികസിപ്പിച്ചതാണ്. 350 തെങ്ങുകളിൽ ഒന്നുപോലും മോശമല്ല. ഡി ജെ ഇനങ്ങളാണ് കൂടുതലും 250 എണ്ണം. 6 കുലയെങ്കിലും ഓരോ തെങ്ങിലുമുണ്ട്. ഒരു വർഷം ശരാശരി 250 തേങ്ങ ലഭിക്കുന്നു. ബാക്കിയുള്ള നാടൻ തെങ്ങുകൾക്ക് ശരാശരി 100 തേങ്ങ വിളവുണ്ട്. തെങ്ങുകൾക്ക് ചാണകവും ചാരവും ആട്ടിൻകാഷ്ഠവും കോഴിവളവും വേണ്ടുവോളം നൽകും. ആവശ്യമെന്നു കണ്ടാൽ പൊട്ടാഷും.

ഒരേ വലുപ്പത്തിൽ സ്കൂൾ അസംബ്ലിയിൽ എന്നപോലെ 27 അടി ഇടയ കലത്തിൽ തെങ്ങുകൾ നിരന്നുനിൽക്കുന്നതുതന്നെ നല്ല ചന്തമുള്ള കാഴ്ച. അവയ്ക്കിടയിൽ നട്ടുവളർത്തിയ 60 ഇനം ഫലവൃക്ഷങ്ങളിൽ പതിനഞ്ചോളം പൂവിട്ടു. മാവും പ്ലാവും റംബുട്ടാനും അബിയുവും നാരകവും മട്ടോവയും കപ്പലും ബ്ലാക്ക് മാംഗോയും ഓറഞ്ചുമൊക്കെ ഇവിടെയുണ്ട്. അപൂർവമായ ബ്ലാക് മാംഗോ പൂവിട്ടതിന്റെ സന്തോഷത്തിലാണ് സ്കറിയാ പിള്ള. ശാസ്ത്രീയമായിക്കോതി ശരിയായ ഇടയകലം നൽകി, ഓരോ ഫലവൃക്ഷത്തിൽ നിന്നും പരമാവധി ഫലം എടുക്കുന്നതെങ്ങനെയെന്ന് ഇവിടെ നിങ്ങൾക്കു കാണാം. സംശയമുണ്ടെങ്കിൽ ചോദിക്കാം. ഫാം വാക്കിൽ കൂടെ നടന്നു പറഞ്ഞുതരുന്നത് കർഷകശ്രീ അവാർഡ് ജേതാവാണ്.

വളർത്തുമൃഗങ്ങൾ