വേനൽപാട വെള്ളരി നാടകം

കൃഷിവിചാരം

-  കെ.ആർ. പ്രമോദ് ഫോൺ: 9447809631 ഇ- മെയിൽ: [e-mail]

കണ്ണൻ കായേ, കരിമ്പേ, കടലവിടലയേ, കപ്പയേ, കപ്പലണ്ടി അണ്ണാക്കാകെഴക്കും കറകറ ചൊറിയൻ ചേനയേ, ചേമ്പു സാറേ പൊണ്ണാക്കാട്ടേത്തവാഴേ, മലയിലെ എലിവാലൻ കിഴങ്ങേ! ....അജ്ഞാതനായ ഒരു കവി വേനൽക്കാല വിഭവങ്ങളെക്കുറിച്ച് രചിച്ച സരസശ്ലോകത്തിന്റെ ആദ്യവരികൾ!

 ഈ വിഭവങ്ങളൊക്കെ ഉറിയിലെ മത്തിക്കറി കുട്ടി ദണ്ഡം കൂടാതെ വിഴുങ്ങാൻ ഭാഗ്യം കിട്ടണേയെന്നു പ്രാർഥിച്ചുകൊണ്ടാണ് ശ്ലോകം അവസാനിക്കുന്നത്.

"കുംഭമാസം കഴിഞ്ഞപ്പോൾ തകര കഴിഞ്ഞു, ഇനി എന്തു ചെയ്യും പെരുങ്കുടലേ? ആറാറു മടക്കിട്ട്, അറുപതു കുരുക്കിട്ട് അനങ്ങാതെ കിടന്നോ പെരുങ്കുടലേ!' - എന്നൊരു വിശപ്പിന്റെ കിടിലൻ വേനൽ പാട്ടും കേട്ടിട്ടുണ്ട്.

വേനൽക്കാലം വേനൽകൃഷിയുടെയും ഉത്സവങ്ങളുടെയും സീസണാണ്. ആറ്റുതീരങ്ങളിലെ എക്കൽ നിറഞ്ഞ മണ്ണിലും ഉണങ്ങിയ വയലുകളിലും ആറ്റുനേനും ആറ്റുവെള്ളരിയും മത്തനും ചീരയുമൊക്കെ തളിരിടുന്ന സമയം. നെൽകൃഷിയുടെ ഇടവേളയിൽ പാടത്ത് വിഷുവിനുളള പച്ചക്കറികൾ കൃഷിയിറക്കും. അതേ പാടത്തുതന്നെ ഒരുങ്ങുന്ന വിഷുച്ചന്തയിൽ ഇവ വിറ്റുപോവുകയും ചെയ്യും.