പുഷ്പാലങ്കാരത്തിലെ പുതുതാരങ്ങൾ

പുഷ്പാലങ്കാരത്തിലും ബുക്കെ നിർമാണത്തിലും ഉപയോഗമേറുന്ന പുതിയ പൂക്കൾ പരിചയപ്പെടാം

- പൂന്തോട്ടം ജേക്കബ് വർഗീസ് കുന്ത ഫോൺ: 9447002211 Youtube Channel: JACOBINTE UDHYANAM

ആന്തൂറിയം, ഡച്ച് റോസ്, ജെർബെറ, കാർനേഷൻ പുഷ്പാലങ്കാരത്തിൽ ഉപയോഗത്തിലുള്ള ഈ കട്ട് ഫ്ലവർ ഇനങ്ങളെല്ലാം നമുക്കു സുപരിചിതം. ഇവയ്ക്കൊപ്പമോ പകരമായോ പുതിയ തരം പൂക്കളുടെയും കായ്കളുടെയും ഒരു നിരതന്നെ പുഷ്പാലങ്കാരത്തിലും ബുക്കെയിലും സ്ഥാനം പിടിക്കുകയാണിപ്പോൾ. ചിലതെല്ലാം നമ്മുടെ രാജ്യത്തു കൃഷിചെയ്യുന്നവയാണെങ്കിൽ മറ്റു പലതും ഓസ്ട്രേലിയ, സൗത്ത് ആഫ്രിക്ക, ഇസ്രയേൽ തുടങ്ങിയ ദേശങ്ങളിൽനിന്ന് എത്തുന്നു. ബെംഗളൂരുവിലെ പുഷ്പവിപണിയിൽ സീസൺ അനുസരിച്ച് ഇവ ലഭ്യമാണ്. ഇവയിൽ നിന്നു തിരഞ്ഞെടുത്ത ചില പൂക്കളെ പരിചയപ്പെടാം.

ബാങ്ക്സിയ 

ഓസ്ട്രേലിയയിലെയും സൗത്ത് ആഫ്രിക്കയിലെയും വരണ്ട കാലാവസ്ഥയിൽ സ്വാഭാവികമായി വളരുന്ന ബാങ്ക്സിയ ചെടിയുടെ നീണ്ട കോൺ ആകൃതിയിലുള്ള പൂങ്കുല കട്ട് ഫ്ലവർ വിപണിയിലെ അധിക മൂല്യമുള്ള ഇന മാണ്. പൂക്കൾ വളരെ അടുപ്പിച്ചാണ് പൂന്തണ്ടിൽ ക്രമീകരി ച്ചിട്ടുള്ളത്. ഒറ്റനോട്ടത്തിൽ ചോളത്തിന്റെ ആകൃതിയുള്ള ബാങ്ക്സിയയുടെ ആകർഷകമായ വർണ ഇലകളാണ് പൂവിന്റെ ഭംഗി. ഓറഞ്ച്, പിങ്ക്, ചുവപ്പ്, മഞ്ഞ നിറത്തിൽ പൂങ്കുലകൾ ഉണ്ടാകുന്ന ഇനങ്ങൾ ലഭ്യമാണ്. പൂവിന്റെ ഭാഗങ്ങളിൽ ഈർപ്പത്തിന്റെ അളവ് താരതമ്യേന കുറവായതുകൊണ്ട് പുഷ്പാലങ്കാരം കൂടുതൽ നാൾ നിലനിൽക്കും. ഡ്രൈ ഫ്ലവർ ആയും അലങ്കാരത്തിൽ ഉപയോഗിക്കാം. സൗത്ത് ആഫ്രിക്കയിൽ നിന്നാണ് ഈ പൂക്കൾ ഏറെയുമെത്തുന്നത്.

പ്രോട്ടിയ