ഇഡിയറ്റ് സിൻഡ്രോം, അറിയാം പ്രത്യാഘാതങ്ങൾ

ഈ ഡിജിറ്റൽ കാലഘട്ടത്തിൽ ലോകത്തെ എന്തിനെ പറ്റിയുമുള്ള വിവരങ്ങൾ നമ്മുടെ വിരൽത്തുമ്പിൽ ലഭ്യമാണ്

ഈ ഡിജിറ്റൽ കാലഘട്ടത്തിൽ ലോകത്തെ എന്തിനെ പറ്റിയുമുള്ള വിവരങ്ങൾ നമ്മുടെ വിരൽത്തുമ്പിൽ ലഭ്യമാണ്. ജീവിതത്തിലെ ഏത് സമസ്യയ്ക്കുമുള്ള ഉത്തരവും ഗൂഗിളിനോടോ ചാറ്റ് ജിപിറ്റിയോടൊ ചോദിക്കുന്ന തലമുറയാണ് ഇത്. സ്വാഭാവികമായും ആരോഗ്യവും രോഗങ്ങളുമായും ബന്ധപ്പെട്ട വിവരങ്ങൾ ശേഖരിക്കാനും പലരും ഇന്റർനെറ്റ് ഉപയോഗപ്പെടുത്താറുണ്ട്. എന്നാൽ ഓൺലൈനിലൂടെ ലഭിക്കുന്ന ഇത്തരം മെഡിക്കൽ വിവരങ്ങളെ അമിതമായി ആശ്രയിക്കുന്നത് ആരോഗ്യത്തിന് ഹാനികരമാകാമെന്ന് ഡോക്ടർമാർ മുന്നറിയിപ്പ് നൽകുന്നു.

ഇതുമായി ബന്ധപ്പെട്ട ഒരു പുതിയ സിൻഡ്രോമും ഇപ്പോൾ വ്യപാകമാകുന്നുണ്ടെന്നാണ് ഡോക്ടർമാർ ചൂണ്ടിക്കാണിക്കുന്നത്. 'ദ ഇന്റർനെറ്റ് ഡെവ്ഡ് ഇൻഫർമേഷൻ ഒബ്സ്ട്രക്ടിങ് ട്രീറ്റ്മെന്റ് സിൻഡ്രോം' അഥവാ ഇഡിയറ്റ് സിൻഡ്രോം എന്നാണ് ഇതിന് പേരിട്ടിരിക്കുന്നത്. അതായത് ഇന്റർനെറ്റിൽ നിന്ന് ലഭിക്കുന്ന വിവരങ്ങൾ ഒരു രോഗിയുടെ ചികിത്സയെ തന്നെ തടസ്സപ്പെടുത്തുന്ന സാഹചര്യമാണ് ഇഡിയറ്റ് സിൻഡ്രോം എന്നത് കൊണ്ട് ഉദ്ദേശിക്കുന്നത്.