വന്ധ്യതയുടെ കാരണങ്ങൾ

മാനസികമായ സമ്മർദംമുതൽ ശാരീരികമായ തകരാറുകൾവരെ വന്ധ്യതയിലേക്ക് നയിക്കാം. വന്ധ്യതാചികിത്സ തീരുമാനിക്കുന്നതിനുമുൻപ് എന്ത് കാരണം കൊണ്ടാണ് വന്ധ്യത ഉണ്ടായതെന്ന് കൃത്യമായി കണ്ടെത്തേണ്ടതുണ്ട്

വന്ധ്യതയുടെ കാരണം പരിശോധിക്കുമ്പോൾ സ്ത്രീക്കും പുരുഷനും തുല്യപങ്കാണ് കാണാൻ കഴിയുക. 30 ശതമാനം സ്ത്രീപ്രശ്നങ്ങളാണെങ്കിൽ 30 ശതമാനം പുരുഷന്മാരുടെ പ്രശ്നങ്ങളാണ്. ബാക്കി വ്യക്തമായി കണ്ടെത്താൻ കഴിയാത്ത പ്രശ്നങ്ങളോ രണ്ടുപേരുടെയും പ്രശ്നങ്ങളോ ആയിരിക്കാം. മാനസികമായ സമ്മർദംമുതൽ ശാരീരികമായ തകരാറുകൾവരെ വന്ധ്യതയിലേക്ക് നയിക്കാം. വന്ധ്യതാചികിത്സ തീരുമാനിക്കുന്നതിനു മുൻപ് എന്ത് കാരണംകൊണ്ടാണ് വന്ധ്യത ഉണ്ടായതെന്ന് കൃത്യമായി കണ്ടെത്തേണ്ടതുണ്ട്.

സ്ത്രീകളിലെ പ്രശ്നങ്ങൾ

 അണ്ഡവിസർജനത്തിലെ തകരാറുകൾ, പോളിസിസ്റ്റിക് ഒവേറിയൻ സിൻഡ്രോം, എൻഡോമെട്രിയോസിസ്, ഗർഭപാത്രത്തിലെ മുഴകൾ, അണ്ഡവാഹിനിക്കുഴലിലെ തടസ്സങ്ങൾ തുടങ്ങിയവയെല്ലാം സ്ത്രീകളിലെ സ്വാഭാവിക ഗർഭധാരണത്തെ തടസ്സപ്പെടുത്തുന്ന കാരണങ്ങളാണ്.

അണ്ഡ വിസർജനത്തിലെ തകരാറുകൾ സ്ത്രീകളിലെ വന്ധ്യതയുമായി ബന്ധപ്പെട്ട പ്രധാന കാരണങ്ങളിലൊന്ന് അണ്ഡവിസർജനത്തിലെ തകരാറുകളാണ്. ഒട്ടേറെ ഘടകങ്ങൾ അണ്ഡവിസർജനത്തിലെ തകരാറുകൾക്ക് ഇടയാക്കാറുണ്ട്. പോളിസിസ്റ്റി ക് ഒവേറിയൻ സിൻഡ്രോം, ഹൈപ്പർപ്രൊലാക്റ്റിനേമിയ, ഹൈപ്പർഇൻസുലിനേമിയ എന്നിവ അണ്ഡവിസർജന ത്തിലെ തകരാറുകൾക്കും അതുവഴി വന്ധ്യതയ്ക്കും കാണമാകാറുണ്ട്. തൈറോയ്ഡ്പ്രശ്നങ്ങളും അണ്ഡവിസർജനത്തിൽ തകരാറുകൾ വരുത്താറുണ്ട്.

പി.സി.ഒ.എസ്.