കുറഞ്ഞ ചെലവിൽ കൂടുതൽ മാറ്റ്

വീടൊരുക്കൽ ഒരു അഭിനിവേശമായി മാറ്റിയ അന്നയ്ക്ക് വീടിനെക്കുറിച്ച് വ്യക്തമായ നയമുണ്ട്

- സോന തമ്പി

കൊച്ചിയിലെ വെള്ളക്കെട്ടാണ് അന്നയിലെ കലാകാരിയെ പലപ്പോഴും പിന്നോട്ടു വലിക്കുന്നത്. ശക്തിയായ മഴയിൽ കലൂർ ജോർജ് ഈഡൻ റോഡിലെ വീട്ടിൽ വെള്ളക്കെട്ട് സ്ഥിരം കലാപരിപാടിയായപ്പോൾ എറണാകുളം എംപിയായ ഹൈബി ഈഡന്റെ ഭാര്യ അന്ന പുതിയ പദ്ധതികളെക്കുറിച്ച് ചിന്തിക്കാൻ തുടങ്ങി. അതേക്കുറിച്ച് അന്ന് തന്നെ പറയട്ടെ..

“ഞങ്ങൾ ഒരു വീടു പണിയുന്നതിനെക്കുറിച്ചുള്ള പ്ലാനിങ്ങിലാണ്. ഓരോരുത്തർക്കും അവരുടെ വീടിന്റെ വലുപ്പത്തെക്കുറിച്ച് ധാരണ ഉണ്ടാവുമല്ലോ. ചെറിയ, ഭംഗിയുള്ള വീടാണ് എനിക്കിഷ്ടം. നല്ലപോലെ സെറ്റ് ചെയ്തു വയ്ക്കാൻ പറ്റുന്നത്. പണിയാൻ പോകുന്ന വീടിനെക്കുറിച്ച് കൃത്യമായ ഐഡിയ ഉണ്ട്. ആ സൈറ്റിൽ ചെല്ലുമ്പോഴേ ആ വീട് എനിക്കവിടെ കാണാം. ചുറ്റും വരാന്തയുള്ള വലിയ ജനാലകളും മുറികളുമുള്ള നിറയെ കാറ്റും വെളിച്ചവുമുള്ള തുറന്ന വീട്..

മഞ്ഞ വിട്ടൊരു കളിയില്ല...