തീരാത്ത ത്രില്ലാണ് സിനിമ

തങ്ങളുടെ ഓരോ സിനിമയിലും ഒരു ആകാംക്ഷ ഒളിപ്പിച്ചിട്ടുണ്ടാകും ഈ പപ്പയും മകളും. പ്രേക്ഷകരെ സ്ക്രീനിലേക്ക് കണ്ണുചിമ്മാതെ മനസ്സർപ്പിക്കാൻ പ്രേരിപ്പിക്കുന്ന ഒരു വ്വത്വസ്തത...

- ഹസീന ഇബ്രാഹിം

"ദിസ് വൺ ഈസ് ലൈക് എ വാം ഹഗ്. അടുത്ത പടം ഈ ഭൂമിയിൽ എനിക്കേറ്റവും പ്രിയപ്പെട്ട ആളോടൊത്ത്. അദ്ദേഹം എനിക്കായി ഒരു തിരക്കഥ രചിക്കുമെന്ന് സ്വപ്നത്തിൽപോലും കരുതിയിരുന്നില്ല. ദിസ് ഫീൽസ് അൺ റിയൽ താങ്ക് യു പപ്പ...

അഞ്ചു സെന്റും സെലീനയും എന്ന ഏറ്റവും പുതിയ ചിത്രത്തിന്റെ മോഷൻ പിക്ചർ ഇൻസ്റ്റഗ്രാമിൽ പങ്കുവെച്ച് അന്ന ബെൻ കുറിച്ചിട്ടു. അച്ഛൻ ബെന്നി പി. നായരമ്പലത്തിന്റെ തിരക്കഥയിൽ അഭിനയിക്കുന്നതിന്റെ ത്രില്ല് തുളുമ്പുന്ന വാക്കുകൾ.

 ഈ വാക്കുകളുടെ പിന്നിലെ വിശേഷങ്ങൾ അറിയാൻ കുടുംബം' അന്നയെയും ബെന്നിയെയും തേടിച്ചെന്നു. വീണ്ടും വീണ്ടും കാണാൻ ഇഷ്ടപ്പെടുന്ന ഹിറ്റുകൾ ഒരുക്കിയ അച്ഛനും പുതു തിരശ്ശീലയുടെ ട്രെൻഡി മാസ് കഥാപാത്രങ്ങളായി മനസ്സുകളിൽ നിറഞ്ഞ മകളും നിറഞ്ഞ ചിരിയും ഗൗരവമേറിയ സിനിമ ചിന്തകളും പങ്കുവെക്കുന്നു...

അച്ഛനൊപ്പം ചെയ്ത അഞ്ചു സെന്റും സെലീനയും' ഷൂട്ടിങ് നാളുകളിൽ സിനിമയെക്കുറി മനസ്സിലാക്കിയ പുതിയ പാഠങ്ങൾ?

അന്ന ബെൻ: പപ്പയുടെ കൂടെ ഇത്രയും പെട്ടെന്ന് ഒരു പടം ചെയ്യാൻ പറ്റും എന്ന് വിചാരിച്ചിരുന്നതല്ല. ഇപ്പോഴത് സംഭവിച്ചു. ജെക്സൺ ആന്റണിയാണ് ഡയറക്ടർ. വളരെ ലൈറ്റായ കമേഴ്സ്യൽ ഫാമിലി എന്റർടെയ്നർ. തുടക്കത്തിലുള്ള എന്റെ സിനിമകളിൽ നിന്നൊക്കെ വ്യത്യസ്തമായി കുറച്ചുകൂടി ത്രില്ലർ എലമെന്റ് വരുന്ന ഫാമിലി റിലേറ്റഡ് സിനിമ.

സെറ്റിൽ പപ്പയുടെ കൂടെ വർക്ക് ചെയ്യുകയാണെങ്കിലും വളരെ പ്രഫഷനലായാണ് കാര്യങ്ങൾ. ഏതെങ്കിലും സീനിലോ ഡയലോഗുകളിലോ കറക്ഷൻസ് പോലും ആ ഒരു സ്പേസിൽ തന്നെയായിരുന്നു. പപ്പയോട് ഞാനെങ്ങനെ ചോദിക്കും പോലുള്ള ബുദ്ധിമുട്ടുകൾ ഉണ്ടായിരുന്നില്ല. വളരെ ഈസിയായ ഷൂട്ട്. പപ്പയോടൊപ്പം അഭിനയിക്കാനും അദ്ദേഹം വ്യക്തിത്വം കൊടുത്ത ഒരു കഥാപാത്രമാകാനും സാധിച്ചു. എനിക്കങ്ങനൊരു ഭാഗ്യം കിട്ടി. വലിയ നേട്ടമാണ്.

ബെന്നി പി. നായരമ്പലം: സെലീന എന്ന സാധാരണ പെൺകുട്ടിയുടെ സ്വപ്നങ്ങളും സ്വന്തമായി ഒരു വീടിനു വേണ്ടിയുള്ള അവളുടെ പ്രയത്നവും ഒക്കെ കുടുംബത്തിന്റെ ബാക് ഗ്രൗണ്ടിൽ നർമത്തിലൂടെ പറയുന്നതാണ് സിനിമ. അന്ന, മാത്യു തോമസ് എന്നിവരാണ് കേന്ദ്രകഥാപാത്രങ്ങൾ.

അച്ഛൻ മോൾഡ് ചെയ്ത കഥാപാത്രം അഭിനയിച്ചു ഫലിപ്പിച്ചത് എങ്ങനെ?