അപ്പയില്ലാത്ത ക്രിസ്മസ്

'ക്രിസ്മസ് ദിവസം ഞങ്ങൾക്ക് മൂന്നുപേർക്കും വീട്ടിനകത്ത് എവിടെയെങ്കിലും അപ് എന്തെങ്കിലുമൊരു സമ്മാനം വെച്ചിട്ടുണ്ടാകും. അത് കൈയിൽ കിട്ടുമ്പോഴുള്ള സന്തോഷമുണ്ടല്ലോ... അപ്പയോടൊത്തുള്ള ക്രിസ്മസ് ഓർമകളുമായി മറിയ ഉമ്മൻ...

- പി. ജസീല

കേരളത്തിനകത്തും പുറത്തുമുള്ള ജനങ്ങൾക്ക് കരുതലൊരുക്കിയ ജനനായകൻ വിടവാങ്ങിയിട്ട് മാസങ്ങളേ ആയുള്ളൂ. ജനമനസ്സിൽ അദ്ദേഹത്തെക്കുറിച്ചുള്ള ഓർമകൾക്ക് ഒരിക്കലും ക്ലാവുപിടിക്കില്ല. എപ്പോഴും ആൾക്കൂട്ടത്തിനിടയിലായിരിക്കാനാണ് ആ ജനനേതാവ് ഇഷ്ടപ്പെട്ടത്. ഏകാന്തതയെ അത്യധികം ഭയപ്പെട്ടു. ജനങ്ങളോട് ഇത്രയധികം കരുതലുള്ള ഒരു നേതാവിന് കുടുംബ ത്തോടുള്ള സ്നേഹത്തിന്റെ കാര്യം പറയേണ്ടതുണ്ടോ എന്നാണ് അദ്ദേഹത്തിന്റെ മൂത്ത മകൾ മറിയ ചോദിക്കുന്നത്. അപ്പയോടൊപ്പമുള്ള ക്രിസ്മസ് കാലം ഓർക്കുകയാണ് മറിയ...

 പാപ്പയുടെ ക്രിസ്മസ് സമ്മാനം

പരീക്ഷ കഴിഞ്ഞ് സ്കൂൾ അടക്കുന്നതും പാപ്പ തരുന്ന ക്രിസ്മസ് സമ്മാനവുമായിരുന്നു കുട്ടിക്കാലത്തെ ക്രിസ്മസിന്റെ വലിയ സന്തോഷം. പള്ളിയിൽ ക്രിസ്മസ് പരിപാടികളു ണ്ടാവും. എന്തു തിരക്കുണ്ടങ്കിലും ക്രിസ്മസ് ദിവസം വീട്ടിൽ ബ്രേക്ഫാസ്റ്റിന് അപ്പ ഉറപ്പായും ഉണ്ടാകും. അതു കഴിഞ്ഞ് അദ്ദേഹം പുതുപ്പള്ളി ക്ക് പോകും. ചെറുപ്പത്തിൽ ഞങ്ങളും കൂടെ പോകുമായിരുന്നു. അക്കാലത്ത് ക്രിസ്മസ് പാപ്പ സമ്മാനം തന്നെന്ന് പറഞ്ഞ് അപ്പനും അമ്മയും ഞങ്ങളെ പറ്റിക്കുമായിരുന്നു. ഒരു പ്രായംവരെ അത് പാപ്പ തന്ന സമ്മാനം തന്നെയാണെന്നായിരുന്നു ഞാൻ വിശ്വസിച്ചിരുന്നത്. ക്രിസ്മസ് ദിവസം ഞങ്ങൾ ക്ക് മൂന്നുപേർക്കും വീട്ടിനക ത്ത് എവിടെയെങ്കിലും എന്തെ ങ്കിലുമൊരു സമ്മാനം ണ്ടാകും. അത് വെച്ചിട്ടു കൈയിൽ കി ട്ടുമ്പോഴുള്ള സന്തോഷമുണ്ട ല്ലോ... പിന്നീട് ഞങ്ങൾ മുതിർ ന്നപ്പോൾ മക്കൾക്കായി ഇതേ രീതിയിൽ ക്രിസ്മസ് ദിനത്തിൽ സമ്മാനം കരുതിവെക്കും.

നഷ്ടമായത് കരുതലിന്റെ കൈത്താങ്ങ്

 എപ്പോഴും തിരക്കായിരുന്നു അപ്പക്ക്. ഞങ്ങൾക്കൊപ്പം ഒരു പാട് സമയമൊന്നും ചെലവഴിക്കാൻ സാധിക്കില്ല. സ്കൂളിൽ കൊണ്ടുവിടുകയോ പി.ടി.എ മീറ്റിങ്ങിന് വരുകയോ ഒന്നുമില്ലായിരുന്നു. എന്നാൽ, എല്ലാറ്റിനും ഒരു കരുതലുണ്ടായിരുന്നു. അപ്പയെ മിസ് ചെയ്തതായി എനിക്കോർമയില്ല. ആ കരുതലാണിപ്പോൾ നഷ്ടമായിരിക്കുന്നത്.