ഓർമയിലെ കരോൾ

പുൽക്കൂട്ടിൽ പിറന്ന ഉണ്ണിയേശുവിനെ കാണാൻ ആട്ടിടയന്മാർ പാട്ടുപാടി ആഘോഷമായാണ് എത്തിയതെന്ന് ചരിത്രരേഖകൾ. ക്രിസ്മസും സംഗീതവും അത്രമേൽ ബന്ധപ്പെട്ടു കിടക്കുന്നു. മനോഹരമായ കരോൾ ഗാനങ്ങളുടെ കൂടി കാലമാണ് ക്രിസ്മസ്.

- തയാറാക്കിയത്. അങ്കിത കുറുപ്പ്

പുൽക്കൂട്ടിൽ പിറന്ന ഉണ്ണിയേശുവിനെ കാണാൻ ആട്ടിടയന്മാർ പാട്ടുപാടി ആഘോഷമായാണ് എത്തിയതെന്ന് ചരിത്രരേഖകൾ. ക്രിസ്മസും സംഗീതവും അത്രമേൽ ബന്ധപ്പെട്ടു കിടക്കുന്നു. മനോഹരമായ കരോൾ ഗാനങ്ങളുടെ കൂടി കാലമാണ് ക്രിസ്മസ്.

സന്തോഷംകൊണ്ട് നൃത്തം ചെയ്യുക എന്ന് അർഥം വരുന്ന കഹോള് (carole) എന്ന ഫ്രഞ്ച് വാക്കിൽ നിന്നാണ് കരോൾ എന്ന പദം രൂപപ്പെട്ടത്. കരോൾസ് എന്നാൽ സോങ് സർവിസ് എന്നാണർഥം. ശൈത്യകാലത്തെ വരവേറ്റു കൊണ്ടുള്ള ഗാനങ്ങൾ പിന്നീട് ക്രിസ്മസ് ആഘോഷങ്ങളുടെ ഭാഗമായി മാറുകയായിരുന്നെന്നും പറയപ്പെടുന്നു.

ആ സംഗീതത്തോടൊപ്പം മനുഷ്യർ ഒന്നാകുന്നു. കരോൾ സം ഘത്തിനൊപ്പം ആടാനും പാടാനും മത്സരിക്കുന്നത് കുട്ടികളായിരിക്കും. നാട്ടുവഴികളിലും നഗരവീ ഥികളിലും സ്നേഹത്തിന്റെയും സാ ഹോദര്യത്തിന്റെയും നറുമണം പര ത്തിയാണ് ഓരോ കരോൾ സംഘവും കടന്നുപോകുന്നത്.

വിണ്ണിൽ താരകങ്ങളും മണ്ണിൽ മനുഷ്യരും സന്തോഷിക്കുന്ന കരോൾ ഓർമകൾ പങ്കുവെക്കുകയാണിവർ...

ജോസ് പ്രകാശിന്റെ വീട്ടുമുറ്റത്ത്
പി.എഫ്. മാത്യൂസ്
എഴുത്തുകാരൻ, തിരക്കഥാകൃത്ത്

ഏകദേശം 12, 13 വയസ്സ് മുതൽ ഞാൻ കരോളിന് പോകുമായിരുന്നു. കലൂർ കതൃക്കടവ് ഭാഗത്തായിരുന്നു ഞങ്ങൾ താമസിച്ചിരുന്നത്. ശരിക്കും പറഞ്ഞാൽ ഒരു ഗ്രാമപ്രദേശമായിരുന്നു. എല്ലാ മതവിശ്വാസികളും ഞങ്ങളുടെ അയൽക്കാരായി ഉണ്ടായിരുന്നു. കുട്ടികൾക്ക് കളിക്കാൻ കളിപ്പാട്ടങ്ങളോ മറ്റോ ഇല്ല. കളിക്കാനുള്ള സ്ഥലങ്ങൾ വീടിന് ചുറ്റുമായി ഉണ്ടായിരുന്നു.

വീടുകളിലെ അവസ്ഥ വളരെ മോശമായിരുന്നു. അന്നൊക്കെ കരോളിന് പോകു ന്നതിന്റെ പ്രധാന ഉദ്ദേശ്യം കളിക്കാനുള്ള ഫുട്ബാളും ഷട്ടിൽ ബാറ്റും കോർക്കുമൊക്കെ വാങ്ങാനുള്ള പണം കണ്ടെത്തുക എന്നതായിരുന്നു. കരോളിനാവശ്യമായ വസ്ത്രത്തിനും മറ്റുമായി വീട്ടിലെ മുതിർന്നവരുടെ പഴ്സിൽനിന്ന് പൈസയൊക്കെ അടിച്ചുമാറ്റുമായിരുന്നു. അങ്ങനെ ഓരോന്ന് തപ്പി കണ്ടുപിടിച്ച് ധരിച്ചാണ് കരോളിന് പോയിരുന്നത്.