જૂનું ગ્લોબલ વિલેજ સંસ્કૃત જાણતું હતું

બાલ્ટિક દેશો 'ને આસપાસની ભાષા સ્લાવિક ભાષા કહેવાય છે. તેના કરતાં પોલેન્ડ, રશિયા, બેલારુસ 'ને અન્ય દેશોમાં પણ વપરાતી ભાષા લિથુઆનિયન અલગ પડે છે ફાધર વાલેસે એક કામની વાત કરેલી કે ભાષા જાય એટલે સંસ્કૃતિ જાય. વાત સારી ’ને સાચી છે, પરંતુ ઉતાવળે હા પાડી ’ને એ વાત અંગે આગળ વિચારવાનું બંધ ના કરવું જોઈએ

- ગૌરાંગ અમીન

કલ્ચર ’ને ઇંગ્લિશ બંને શબ્દ મૂળથી એકબીજા સાથે યુક્ત નથી

સંસ્કૃતિ ’ને સંસ્કૃત જુદા પડ્યા પછીનું વિશ્વ વિકૃતિથી મુક્ત નથી

સંસ્કૃતિ 'ને સિવિલાઈઝેશન જીવંત રૂપે ઇતિહાસમાં સ્થાન લે એ પહેલાં તેના મૂળ ક્યાં પહોંચી ’ને શું ગ્રહણ કરે છે એ શોધવું દુષ્કર કાર્ય છે. મનુષ્ય કલ્પના કરે ત્યારે પોતાની જાણકારી ’ને દૃષ્ટિનો આધાર લે છે. ચિત્રમાં જે એક રીતે સ્પષ્ટ દેખાય તે બીજી રીતે વિવિધ નજરિયાને ઉત્તેજિત કરે. તેના કરતાં શબ્દનું અર્થઘટન કરવું ઘણી રીતે સરળ ’ને ચોક્કસ બની શકે. ભાષા એટલે આમ તો શબ્દો ’ને તેનો વપરાશ. ભારત સાથે ફરજિયાત રીતે જોડાયેલી એક શક્તિત છે સંસ્કૃત ભાષા. સંસ્કૃત પ્રાચીન ભાષા છે એ સૌ જાણે છે. ઘણાં થોડું વાંચી કે સાંભળીને એવું માને છે કે સંસ્કૃત એક કરતાં વધુ રીતે જોરદાર ભાષા છે. ઘણાં પોતાની રીતે એવું ધારે છે કે સંસ્કૃત જ મૂળ ભાષા છે. સંસ્કૃત ભાષાની શક્તિઓ વિષે ડૉક્ટરેટ લેવલની થિસિસનો ઢગલો થઈ શકે. શું થઈ શકે એ છોડી, શું થઈ ચૂક્યું છે એ જોઈએ તો પૃથ્વી પર એક દેશ સંસ્કૃત ભાષાનો સત્સંગ પામેલી એમની ભાષા આજની તારીખે કામમાં લે છે. લિથુઆનિયા દેશ, લિથુઆનિયન ભાષા.