સાસરે જતી કન્યાને..!

‘તું તો નાનપણથી જ ઘરમાં જોતી આવી છે ને કે તારા પપ્પાને હું કેવી રીતે અને કઈ રીતે ટેકલ કરતી આવી છું, આ બાબતે તને ઝાઝું કશું કહેવાનું હોય જ નહીં દીકરા.’

- હર્ષદ પંડ્યા ‘શબ્દપ્રીત'

એક રીતે શહેરની છોકરીઓ ભારે નસીબદાર કહેવાય. લડવા-ઝઘડવા માટે એમને પોતાની બુદ્ધિનો સ્હેજ પણ ઉપયોગ નથી કરવો પડતો. ગામડાંની છોકરીઓ આટલી નસીબદાર નથી. કારણ બીજું કંઈ નહીં, પણ એમનાં મા-બાપોએ, બિચારાઓએ કૉલેજનાં પગથિયાં લૂછ્યાં નથી, કે બાગ-બગીચાનાં બાંકડાઓ પણ સાફ કર્યાં નથી.

ઝઘડવું કે ન ઝઘડવું - એનો આધાર જેટલો આપણા પર હોય છે તેના કરતાં સામેવાળા કે વાળી પર વધારે હોય છે. અમારો હમશકલ તો નહીં, પણ હમઅકલ મિત્ર બાબુ બૉસ તો એવું માને છે કે લગ્ન કરીને સાસરે જતી કન્યાને કેવા પ્રકારની શિખામણ અપાતી હોય છે એના પર આધાર છે કે એ કન્યા એના સાસરે દીપક બનીને રહેશે કે ઉદ્દીપક બનીને!

જેના પુત્રના નામ પરથી આપણા દેશનું નામ ભારત પડ્યું, એ શકુંતલાને સાસરે વિદાય કરતી વેળાએ એના પિતાએ કેવી મોળી મોળી સલાહો અને શિખામણો આપેલી.. કે તારા પતિની આજ્ઞા માનજે. સાસરિયામાં વિવેકથી વર્તજે, વડીલોની આમન્યા પાળજે વગેરે વગેરે.. પરિણામ ખબર છે ને? બિચારી કેટલી હેરાન થઈ ગઈ'તી! પણ સોશિયલ મીડિયામાં ઊછરેલી આજની નિયો શકુંતલાઓને એમની માતાઓ.. ઓહ, શી..ટ્ટ મમ્મીઓ, કેવી કેવી શિખામણો આપે છે એની એક સરસ મજાની ટિપ્સ બાબુ બૉસે તૈયાર કરી છે, તો જુઓ એ ટિપ્સ