અમદાવાદનો હું અને મારું અમદાવાદ

આ શહેરમાં મને ૪૧ વર્ષ અને આમ ૬૧૨ વર્ષ કરતાં જૂનું શહેર છે. એટલે કે ગુજરાતી કવિતામાં આદ્યકવિ નરસિંહ મહેતાના વખત જેટલું આ શહેર છે. અમદાવાદ અને અમદાવાદી જુદા નથી! વર્ષો પહેલાં જે અમદાવાદ છોડીને ગયા હોય અને હવાફેર કરવા ફરી વર્ષો પછી અમદાવાદ આવે ત્યારે એમને આ અમદાવાદ છે!' - એવું આશ્ચર્ય થાય છે

- અંકિત ત્રિવેદી

સાયન્સ સિટી, બોપલ, શીલજ અને રાંચરડા, શેલા સુધી વિસ્તરેલું અમદાવાદ ત્યારે સાબરમતી નદીના બે છેડા સાથે ગાઢ રીતે જોડાયેલું હતું. અમદાવાદ એટલાસમાં તો છે જ પણ કોમી એખલાસમાં પણ છે. આ શહેરમાં મને ૪૧ વર્ષ અને આમ ૬૧૨ વર્ષ કરતાં જૂનું શહેર છે. એટલે કે ગુજરાતી કવિતામાં આદ્યકવિ નરસિંહ મહેતાના વખત જેટલું આ શહેર છે. અમદાવાદ અને અમદાવાદી જુદા નથી! ઉશ્કેરવાથી ઉશ્કેરાઈ જાય છે, બે સારી વાત કરવાથી તમને નેતા બનાવી દે છે. ચાર માણસો ભેગા થઈ તમારી નિંદા કરે ત્યારે તમે જ તમારા ઘરમાં એકલા પડી જાવ છો. આ એ વખતના અમદાવાદની વાત છે જ્યારે એને કરકસરિયા શહેર તરીકે ઓળખાતું હતું! આ શહેર મારું શહેર છે. આ શહેરની તાસીર ઘરમાં અને ઘરની બહાર પગ મૂકતાં નગરમાં એક જ છે. એને લડતાં, ઝઘડતાં, પ્રેમ કરતાં મેં જોયું છે. ટૂંકમાં, અમદાવાદ ઝિંદાદિલ શહેર છે. એને જીવતાં આવડે છે. તમારી પાસે આવડત હોય તો વિશ્વના કોઈ પણ ખૂણામાંથી આવીને તમે પ્રગતિ કરી શકો.