फाईवस्टार Ⓡ અને पांचताराⓇ ફરાળ વડે જ વ્રત ફળે

૧૯૮૫થી પાંચતારા અને ફાઇવસ્ટાર બ્રાન્ડ હેઠળ રાજગરાનો લોટ, મોરૈયો, સાબુદાણા, શિંગોડાનો લોટ વગેરે ફરાળી સામગ્રીના માર્કેટિંગનો પ્રારંભ કર્યો

સક્સેસ મંત્ર

“કોઈની લીટી કાપવાની મહેનત ક્યારેય નહીં કરવી તથા વપરાશકર્તાના સંતોષને મહત્ત્વ આપવું.” 

 સ્વ. અતુલભાઈ ગોરધનદાસ શાહ 

 મહેશભાઈ ગોરધનદાસ શાહ  

 જયેશભાઈ ગોરધનદાસ શાહ

 આકિલભાઈ અતુલભાઈ શાહ

 સાંકળચંદ કરસનદાસ ટ્રેડિંગ કંપની

બ્રાન્ડ

આશરે ૯૦ વર્ષ અગાઉ ગોરધનદાસ શેઠે માધુપુરા બજારમાં નોકરીથી શરૂઆત કરી ત્યારે તેઓ ખરીદીનું કામકાજ સંભાળતા હતા. વખત જતાં તે પેઢીમાં વારસદાર નહીં હોવાથી પેઢી બંધ થઈ. ત્યાર બાદ વેપારીઓ અને હિતેચ્છુઓના સહયોગથી ૧૯૨૯માં રવાનગી આડતનું કામ સાંકળચંદ કરસનદાસ ટ્રેડિંગ કંપનીના નામથી શરૂઆત કરી. ત્યાર બાદ બાદ ૧૯૬૮થી અતુલભાઈ, મહેશભાઈ અને જયેશભાઈ સમયાંતરે પેઢીમાં જોડાતાં ૧૯૭૨માં સ્વસ્તિક માર્કાથી વિવિધ મસાલા કન્ઝયુમર પેકિંગમાં વેચવાની શરૂઆત કરી.

માર્કેટ

૧૯૮૫થી પાંચતારા અને ફાઇવસ્ટાર બ્રાન્ડ હેઠળ રાજગરાનો લોટ, મોરૈયો, સાબુદાણા, શિંગોડાનો લોટ વગેરે ફરાળી સામગ્રીના માર્કેટિંગનો પ્રારંભ કર્યો.

આ બ્રાન્ડને મળેલી સફળતા અંગે આકિલભાઈ કહે છે કે, “ગુણવત્તા સાથે અમે કોઈ બાંધછોડ કરતાં નથી, અમારી પ્રોડક્ટમાં ગૃહિણીનો વિશ્વાસ અમે ટકાવી રાખ્યો છે. અમારું ધ્યેય, ગ્રાહકે ખર્ચેલાં નાણાંનું સંપૂર્ણ વળતર મળી રહે, વાજબી ભાવથી વેચાણ થાય અને ઓછામાં ઓછા ખર્ચે ગ્રાહક સુધી માલ પહોંચે તેવી અમારી નીતિ રહી છે. આ કારણે જ અમે અમારો બિઝનેસ પૂરા ગુજરાતમાં વિસ્તારી શક્યા છીએ.’’

કંપનીનાં ઉત્પાદનોમાં તમામ ક્લીનિંગ, ગ્રેડિંગ અને પેકેજિંગમાં સ્વદેશી ટૅક્નોલૉજીનો ઉપયોગ કરીને ઉત્તમ પરિણામો મેળવવામાં આવ્યા છે.