રાજકોટ મહાનગરપાલિકાનો "વટ” RMCના પાંચ આવાસને ઇન્ડિયન ગ્રીન બિલ્ડિંગ એવોર્ડ

ઘરના ઘરનું સપનું.. રાજકોટમાં મનપાએ ૩૪૦૦૦થી વધુ આવાસોનું નિર્માણ પૂર્ણ કર્યું છે..…

સૌરાષ્ટ્રના પાટનગર રંગીલા રાજકોટમાં ભાજપ શાસિત મહાનગરપાલિકાની સિદ્ધિમાં વધુ એક ઉમેરો થાય તેવા સમાચાર તાજેતરમાં આવ્યા છે, જેમાં રાજકોટ મનપાની એક એક આવાસ યોજના આધુનિક સગવડો સાથે આવાસ યોજના ડિઝાઇનથી બાંધકામ સુધીની ઝીણવટથી ઉત્તમ આવાસ યોજના બની રહી છે, તેથી જ રાજકોટ મનપાની આવાસ યોજના રાજ્યની જુદી-જુદી મનપા માટે તેમ જ દેશમાં મૉડેલ ગણી શકાય છે.. આવા સમયે તાજેતરમાં રાજકોટ મહાનગરપાલિકાની પાંચ આવાસ યોજનાને ઇન્ડિયન ગ્રીન બિલ્ડિંગ ઍવૉર્ડ મળ્યો છે, જે પ્રથમ નાગરિક એવા મેયર ડૉ. પ્રદીપ વ, ડેપ્યુટી મેયર કંચનબહેન સિદ્ધપુરા, સ્ટેન્ડિંગ ચૅરમેન પુષ્કર પટેલ, શાસક પક્ષ નેતા વિનુભાઈ ધવા અને મ્યુનિસિપલ કમિશનર આનંદ પટેલે ઉમંગભેર આ ઍવૉર્ડ સ્વીકાર્યો છે..

આ ઍવૉર્ડ શા માટે રાજકોટ ને..

ઇન્ડિયન ગ્રીન બિલ્ડિંગ કાઉન્સિલ અલગ-અલગ મહાનગરમાં બનતી આવાસ યોજના જે લોકલ મહાનગરપાલિકા કરતી હોઈ તેમાં ખાસ ગ્રીન બિલ્ડિંગ કોન્સેપ્ટમાં જે આવાસ યોજના આવે તેને આ ઍવૉર્ડ માટૅ પસંદ કરે છે, જેમાં રાજકોટ મનપાની તૈયાર થયેલી પાંચ આવાસ યોજના ઍવૉર્ડ પ્રાપ્ત બની છે જે રાજકોટ શહેર અને રાજકોટ મનપાના શાસકો અને પદાધિકારીઓ અને સમગ્ર ટીમ માટે ગૌરવરૂપ બન્યું છે..