સ્તનપાનઃ આ આવડત રામત્કારિક રીતે પ્રક્ટ ન થાય તો?

માતા અને બાળક વચ્ચે ભાવનાત્મક સંબંધ બાંધી આપે છે બ્રેસ્ટ ફીડિંગ.

- ડૉ. અર્ચના પારસ શાહ

જન્મના પ્રથમ વર્ષ દરમિયાન બાળક અનેક નવી ક્રિયા દ્વારા મા-બાપને આનંદની સાથે સાથે વિસ્મય આપે છેઃ એનું પહેલું સ્મિત, પ્રથમ કિકિયારી અને કદાચ ભાંખોડિયાંભેર આગળ વધતાં શીખે એ. બાળકના જન્મ પછીના વર્ષ દરમિયાનની એની દરેક ક્રિયા તમારા માટે આજીવન સંભારણું બની જાય છે. આ બધી યાદગાર ક્ષણ જેટલું જ મહત્ત્વનું એને સ્તનપાન કેવી રીતે કરાવવામાં આવ્યું હતું એ. આખરે તો એનાથી બાળકના તંદુરસ્ત વિકાસ માટેનો તબક્કો નિર્ધારિત થાય છે. આથી જ પહેલી વાર માતા બનનારી દરેક સ્ત્રીએ સ્તનપાન વિશે પૂરતી જાણકારી મેળવવી જરૂરી છે. સ્તનપાન એ સ્ત્રીની માતૃત્વની વૃત્તિમાં સૌથી સ્વાભાવિક ક્રમ છે.

નવજાત બાળકને સ્તનપાન કરાવવાની પદ્ધતિ આમ તો સ્ત્રીને સાહજિક લાગતી હોય. કોઈ પણ અનુભવી સ્ત્રી પણ એના અનુભવને આધારે એ વિશે કહી શકે. જો કે બાળકને દૂધ પિવડાવતી વખતે ખરેખર શું કરવું જોઈએ એની વાત આવે ત્યારે શક્ય છે કે સ્ત્રી સાવ દિશાહીન હોવાનું અનુભવે. ઘણી સ્ત્રીને એ બાબતનું આશ્ચર્ય થાય છે કે સ્તનપાન એ એકદમ સામાન્ય અને કુદરતી વસ્તુ છે, તો શા માટે એ માટેની આવડત ચમત્કારિક રીતે સ્વયં એમનામાં પ્રગટ થતી નથી.