બ્રેસ્ટ કેન્સરઃ જાણકાર બનો... સતર્ક રહો!

મેનોપોઝને એક કુદરતી પ્રક્રિયા તરીકે સ્વીકારો, નહીં તો નાહકનાં દુઃખી થશો.

- ડૉ. અર્ચના પારસ શાહ

પ્રિયદર્શિનીની આ વખતની કૉલમમાં પ્રસ્તુત છે કેટલીક સહેલીઓએ પૂછેલા સવાલના જવાબ.

પ્રશ્નઃ છાતીમાં ગાંઠ છે કે નહીં એની ખબર કઈ રીતે પડે? એ માટે જાતે કરી શકાય એવી કોઈ ટેસ્ટ છે? મારી ઉંમર ૪૬ વર્ષની છે. બ્રેસ્ટ કૅન્સર અમુક ઉંમર પછી જ થાય એવું કંઈ છે?

ગાયનેક ફ્રેન્ડઃ બ્રેસ્ટ કૅન્સર મોટા ભાગે ૪૦ વર્ષની ઉંમર પછી થતું હોવાનું નોંધાયું છે, પણ એનાથી નાની ઉંમરની સ્ત્રી પણ એનો શિકાર બની શકે છે એટલે દરેક સ્ત્રીએ એના માટે જાગ્રત રહેવું જરૂરી છે. છાતીની ગાંઠ ચેક કરવા માટે તમારી પાસે ત્રણ વિકલ્પ છે.

૧. બ્રેસ્ટ સેલ્ફ ચેકઃ જેમાં તમે તમારી છાતી જાતે ચેક કરી શકો છો. મેન્સ્ટ્રુઅલ સાઈકલના દિવસ પછી તમે એ ચેક કરી શકો. સ્નાન કરતાં પહેલાં મિરરની સામે ઊભાં રહી તમે પોતે જ બ્રેસ્ટને ચેક કરો. આંગળીઓથી સ્તનમાં કોઈ ગાંઠ છે કે નહીં એ તમે જાતે ફીલ કરી શકો છો. બ્રેસ્ટ સેલ્ફ ટેસ્ટ તમે દર મહિને ઘરે પણ કરી શકો છો.

૨. બ્રેસ્ટ ટેસ્ટ ડૉક્ટર પાસેઃ વર્ષમાં એક વાર તમે કોઈ સારા ડૉક્ટર પાસે જઈને તમારા સ્તનની તપાસ કરાવી શકો છો. ડૉક્ટરને અનુભવ હોય એટલે એ તમારા કરતાં સારી રીતે બ્રેસ્ટ ચેક કરી શકે અને તમને ગાઈડ કરી શકે છે.