ഭരണഘടന തിരുത്തുമ്പോൾ

നിയമവ്യവസ്ഥയെ കൂടുതൽ കരുത്തുറ്റതാക്കാനും ഭരണനിർവഹണം കൂടുതൽ കാര്യക്ഷമമാക്കാനുമാണ് ഭരണഘടന ഭേദഗതി ചെയ്യാനുള്ള അവകാശം നിയമനിർമാണ സഭകൾക്ക് അനുവദിച്ചിരിക്കുന്നത്. ഇന്ത്യയിലെ ഭരണഘടനാ ഭേദഗതികളുടെ ഒരു ഹ്രസ്വചരിത്രം ഇതാ...

ജനനന്മയും സുരക്ഷയും ലക്ഷ്യമിട്ടുള്ളതാണ് നമ്മുടെ രാജ്യത്തെ എല്ലാ നിയമങ്ങളും. പക്ഷേ, പലപ്പോഴും ഭരണഘടന വിഭാവനം ചെയ്യുന്ന ഉറപ്പും നിയമപരിരക്ഷയും പ്രായോഗികതലത്തിൽ എത്തുമ്പോൾ പൗരന് ലഭിക്കുന്നുണ്ടോ എന്നും വിപരീതഫലം നൽകുന്ന സന്ദർഭങ്ങളില്ലേയെന്നുമുള്ള ആശങ്കകൾ നിരന്തരം ഉയർന്നുവരാറുണ്ട്. നിയമസംവിധാനങ്ങളും ഭരണ സംവിധാനങ്ങളും പൗരന്റെ അവകാശങ്ങൾ സംരക്ഷിക്കുന്നതിൽ പരാജയപ്പെടുന്നുവെന്ന പരാതിയും വ്യാപകമാണ്. അത്തരം ഘട്ടങ്ങളിലാണ് ഭരണഘടനാഭേദഗതി എന്ന ആശയത്തിന്റെ പ്രസക്തി. നിലവിലെ നിയമവ്യവസ്ഥ അപര്യാപ്തമാകുമ്പോൾ അവ ഭേദഗതി ചെയ്യാനോ പുതിയ നിയമങ്ങളുണ്ടാക്കാനോ ആണ് ഭരണാധികാരികൾ ശ്രമിക്കുക.

അധികാരം പാർലമെന്റിന്

ദക്ഷിണാഫ്രിക്കയിൽ നിന്നാണ് ഭരണഘടനാ ഭേദഗതി എന്ന ആശയം ഇന്ത്യ കടമെടുക്കുന്നത്. മാറുന്ന കാലത്തിന് അനുസരിച്ച് ഭരണഘടനയിൽ വേണ്ട മാറ്റം വരുത്തുവാൻ ഭരണഘടന ഇന്ത്യൻ പാർലമെന്റിന് അധികാരം നൽകുന്നു.

1951 ജൂൺ 18-നാണ് ആദ്യ ഭേദഗതി നിലവിൽ വന്നത്. ഭൂപരിഷ്ക്കരണനിയമത്തിന് അംഗീകാരവും ശക്തിയും പകരുന്നതും ഒൻപതാം പട്ടിക ഭരണഘടനയിൽ ഉൾപ്പെടുത്തിയതും ആദ്യ ഭേദഗതിയിലൂടെയാണ്.

2021 വരെ 105 ഭേദഗതികളാണ് ഭരണഘടനയിൽ നടത്തിയിട്ടുള്ളത്. 105-ാമത് ഭേദഗതിയിലൂടെ അനുച്ഛേദം 342എ ഉൾപ്പെടുത്തി സംസ്ഥാനങ്ങൾക്കും പിന്നാക്ക സംവരണ പട്ടിക ഉണ്ടാക്കാൻ അനുമതി നൽകുകയായിരുന്നു.

ഭേദഗതി ചെയ്യുന്നതെങ്ങനെ?

ഭരണഘടനാ ഭേദഗതി നിലവിൽ വരണമെങ്കിൽ അതിന്റെ സ്വഭാവം അനുസരിച്ച് നിയമനിർമാണ സഭകളിൽ വേണ്ട ഭൂരിപക്ഷം മൂന്നുവിധത്തിൽ തരം തിരിച്ചിരിക്കുന്നു.

പാർലമെന്റിലെ ഇരുസഭകളിലും കേവല ഭൂരിപക്ഷം

ലോക്സഭയിലും രാജ്യസഭയിലും സന്നിഹിതരായിട്ടുള്ളവരുടെ 50 ശതമാനത്തിലധികം ഭൂരിപക്ഷം. ഇന്ത്യൻ പൗരത്വം സംബന്ധിച്ച നിയമങ്ങൾ, ഇന്ത്യയിലെ സംസ്ഥാ നങ്ങളുടെ പേര്, അതിർത്തി, പാർലമെന്റംഗങ്ങളുടെ ശമ്പളം, അലവൻസുകൾ എന്നിവ സംബ ന്ധിച്ച് ഒട്ടുമിക്ക നിയമങ്ങളും ഇതിൽ പെടുന്നു.

പാർലമെന്റിലെ ഇരുസഭകളിലും സവിശേഷ ഭൂരിപക്ഷം: